51 boonoshiyee bariꞌi shimaajj hammiye.
Yibbaateebee, qaxirii boonoshi beetaa, diqqoona qaaqqee haresheenaꞌona geecheebeeti qaaqqee gaari boonoshi daggooch giyiꞌi, boonoshin gutta qoodiye. Eliyaasi yuboona shimaajj hammiye.
Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.
Ebiyee gubb, Yerusaalemee Bitaaniyi katinooch beddaahaa boonoshin dabbiiꞌi daammiye; aroochaanoo bi kishoon tiijjiꞌi boonoshin diiriibee,
Boonoshiyoo aroochaa biich goyinneechii, woddoon emiriibee Yerusaalem wotteheete.
Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.
Yesuusi ebin bi gettitoyee gubb, bi wocheti mishiraachechinaꞌo ciinnii beetaa, shimaajj kechiye; quboo boonoshi aafoochee biin qeriye.
Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.
Illa shimaayoon besheꞌi Yeer waan giyiti, bulliyee beshiti qeeshee guudo, Yeerichi Bushoo Yesuusi nooch bi beetoyich, no miixeti gibenoon manjiiree yeshone.
