Luqaasi 24:44 - Kafa Linguistics Project

⁴⁴ Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Luqaasi 24:44 ပူးပေါင်းရင်းမြစ်များ

Halloo 14:18

Saalemi taatoo Meleekitsedeqi Abraamich koshonaa woyinee uyoonon yechiꞌi kechiye. Biyoo Beshe Nuggishoo Yeerich maddeebeeti, qeeshoone.

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 118:22

Gimbeyneenaꞌo hoxee duppiti xaqqo, aroo kexon deggii neechiibeeti giimbee guummon tunehe.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 52:13

Doono Yeeri ishichiye: “Ebiyoche, ta guunoyich mooyo kaamemmone; damba oogichiree oogemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 33:14

Doono Yeeri ishichiye: “Israꞌeelee yareenaꞌonaa Yihudee yareenaꞌonoyich ta gibenikkiti gibeno bi ceennemmi aabo woyemmone.

Hiziqeeli 17:22

“Nuggishoo Doono Yeeri ishichiye: ‘Genje yigee michi toommoochee, ta qelloona cilloon daami kotiyemmo taane. Aree cilloochee ikke nolloon haxxemmo taane; genje, ooge guudi toommooch bechemmo taane.

Hiziqeeli 34:23

Boonoshi toommooch ikke qiddoon tiijjemmo taane; biyoo boonoshin quyemmone; ebi aroo ta guuno Daawitine; biyoo boonoshich qiddoo tuneree boonoshin quye maanjemmone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Zakaariyaasi 14:4

Ebiyooba Doono Yeeri Yerusaalemi ciinooch, aabi-keyo waan beeti Zayitee Michi guudi toommooch neexemmone. Zayitee Michi guudoo aabi-keyoochee aabi-gimo waan gaaheree oogeti bamboon tunemmone. Guudochi qato dambi-waan, qato wotta deshi-waan tunemmone.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Haddoo 21:8

Doono Yeeriyoo Muusich ishichiye: “Dingeroon gooshoochee shuuneree mixooch yoode. Qoppeto bulli aroon bi ciinigaata wodemmone” iye.

Haddoo 35:25

Iiteenaꞌo, ashoon wuxiꞌi taggeeti uroon, nichoon kichecho kishoochee wodiiꞌi bi aallee hammiti shoobi katemooch wochoo boonoshich qaawiihe. Yaafeeti zayitoona huutteti qeeshee guudo qitimmi wottoon arooch beebe.

Maatiyoosi 1:22

Ebi bulli tuneto, Doono keemechochi noonoona, “Ebiyoche, gidiidee yeqqefemmine; anaami bushoonoo shiyemmine; bi shigoo Amanuꞌeeli getaa ceekkemmone” bi ito ceennemmoyichiye. Amanuꞌeeli geto, “Yeeri noonna tookkiiniye” getone.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 26:54

Ishigaata, Yaafe Macaafoochaa ‘Ebi tunemmone’ getteeto aabichiree ceennehe?” iye.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Maariqoosi 9:31

Ebiyoo bi dabbeenaꞌoyich dojjii bi beetoyichiye. Boonoshich “Ashi Bushoo taan ashi kishooch beshiiree immemminaꞌone; wuxemminaꞌone; boonoshi wuxitoyee gubb keejje qemooba qitoochee tiyemmo taane” iye.

Luqaasi 24:46

Boonoshich ishichiye: “ ‘Kiristoosi xuuxoon beeggemmone; bi keejje qemooba qitoochee tiyemmone.

Luqaasi 9:22

Yesuusi daakkiꞌi bi dabbeenaꞌoyich ishichiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone; tunebaani keejje qemooba qitoochee tiyemmone” iꞌi manjii gettiye.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.

Yowannisi 3:14

Muusi barahoochaa dingeroon michi toommooch bi yoodoommon, Ashi Bushoo yooddeyoo biich qaawiihe.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 5:46

Bi taachon kooritone; ebich biin ittoshi iberiito gaata, taan iberiyesho ittoshine.

Mishiraachechinaꞌo 13:33

Guttinnee yaafe shoddoochaa ‘Ne, ta Bushoo neene; hanaach neen shiyeto taane’ getaa bi kooreetoommon, Yeeri qitoochee Yesuusin tiijjiꞌi, hini bi gibenikkiti gibenoon boonoshi bushiishoo nooch ceechitone.

Mishiraachechinaꞌo 13:40

Ebich keemechinaꞌona ishichaa getteeto ittoshi toommooch bi shagaachemmoyich ittoshi qelloon quyebote:

Mishiraachechinaꞌo 3:18

Tunetaa Yeeri Kiristoosi xuuxoon beeggemmoyich, shiichiꞌi keemechinaꞌo bulli noonoona bi gettiton hini gommona ceechitone.

Mishiraachechinaꞌo 7:37

“Israꞌeeleenaꞌon ‘Yeeri, taanoommi keemechon ittoshi maneenaꞌochi daggoochee ittoshich kaaciree neechemmone’ iꞌi gettito hini are Muusine.

Hibireena'o 10:1

Israꞌeeleenaꞌoyich icheti sheeroo woyemmi gaawe mooyochi yiiritto baachalli, shimaayooch beeti ibere mooyinaꞌochi shaahoo toonoone. Ebich nati natona kuxaanoon boonoshi giddiibeeti deejjoona Yeer waan giddee beetinaꞌon are sheeroo axaaxaalleenaꞌon tuniyoon hakkaanoone.

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

Hibireena'o 7:1

Ebi Meleekitsedeqi Saalemi taatoonaa Beshe Nuggishoo Yeerich maddeebeeti qeeshoonane. Abrahaminaa bi aafee bushiisheenaꞌona awudde taateenaꞌon kochii wochiꞌi boonoshi wottehooba, Meleekitsedeqi Abrahamina tookkii daneꞌi biin diiriye.

Hibireena'o 9:8

Aafi duukkaanoo batt xogeeꞌi beetaa, shimaajj beeti Yaafe Xaaꞌeexi Yaafooch giijjiibeeti gommo batt qecheyaano bi tunoon Yaafe Ayaano ebiyoommona bekkii beetone.

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.