Luqaasi 24:36 - Kafa Linguistics Project

³⁶ Ebin yibbaatee boonoshi beetaa, diqqoona Yesuusi boonoshi daggooch neexehe. Boonoshich “Diggoo ittoshich tunebe” iye.

Luqaasi 24:36 ပူးပေါင်းရင်းမြစ်များ

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Maatiyoosi 10:13

Kechi doono ittoshin bi iibbiigaata, ittoshi diggiyoo biich shage; iibbiyoo bi qayigaata, ittoshi diggiyoo biich shaggaaye.

Maariqoosi 16:14

Ebiyee gubb, maayoon maaya madooch boonoshi beetaa, Yesuusi aaraa ikke bi dabbeenaꞌoyich bekkehe. Qitoochee bi tiyitoyee gubb boonoshi aafoona beeggiti asheenaꞌo boonoshich gettiton iberiyee qayona boonoshi mullo muumetoyich, boonoshin noggehe.

Luqaasi 10:5

“Koni kexoocholla ittoshi giyigaata, shiichiree, ‘Diggoo hini kexooch tunebe’ getote.

Yowannisi 14:27

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yowannisi 20:26

Shimitte qemoyee gubb, bi dabbeenaꞌo wochinnoon kechi daggooch beeheete; Toomaasiyoo boonoshina tookkii beehe. Kello tuggeechaa Yesuusi waahe; boonoshi daggoochoo neexeꞌi, “Diggoo ittoshich tunebe” iye.

Mishiraachechinaꞌo 1:3

Yesuusi wodde xuuxoona bi qititoyee gubb, mishiraachechinaꞌoyich xalla bekkeebee kashecho bi tunoon wodde gommona manjiihe. Aabbe qemon bekkeꞌi, Yeerichi taatittineechon boonoshich dojjii beehe.

1 Qorontoosi 15:5

Aroochee Keefich bekkehe; aree hillooch aaraa gutte mishiraachechinaꞌoyich bekkehe.

1 Qorontoosi 15:7

Aree hillooch Yaaqobich, daakkiꞌi mishiraachechinaꞌo bullich bekkehe.

2 Tasaloonqi 3:16

Diggoon immiibeeti Doono Yesuus Kiristoosi bi qelloona bulli gommona bulli aaboon diggoon ittoshich imbe. Doono Yesuus Kiristoosi ittoshi bullina tookki tunebe!

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,