Luqaasi 24:30 - Kafa Linguistics Project

³⁰ Boonoshina tookkii maayoon maaya madooch koteebee, koshon tiijjiꞌi Yeerin galletehe; tiichiꞌinoo boonoshich immiye.

Luqaasi 24:30 ပူးပေါင်းရင်းမြစ်များ

Maatiyoosi 14:19

Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete.

Maatiyoosi 15:36

Shabaatte xekee koshonaa haashoonon yechiꞌi Yeerin galletehe. Tiichiꞌi bi dabbeenaꞌoyich immiye. Bi dabbeenaꞌoo asheenaꞌoyich giddiiꞌi qoomeheete.

Maatiyoosi 26:26

Aree hillooch boonoshi maa beetaa, Yesuusi koshon tiijjiꞌi Yeerin galletehe; tiichiꞌi bi dabbeenaꞌoyich immiibee, “Haꞌote, mamote; hini ta meenone” iye.

Maariqoosi 14:22

Boonoshi maa beetaa, Yesuusi koshon tiijjiꞌi Yeerin galletehe; tiichiꞌi bi dabbeenaꞌoyich immiibee, “Haꞌote; hini ta meenone” iye.

Maariqoosi 6:41

Aree hillooch Yesuusi uuche xekee koshonaa gutte haashoonon tiijjii yechiꞌi shimaajj ciinniichii Yeerin galletehe. Koshon tiichiꞌi bi dabbeenaꞌoyich “Ebin asheenaꞌoyich qoomebote” iꞌi immiye; haashoonoo qoodiꞌi bullich immiye.

Maariqoosi 8:6

Aree hillooch Yesuusi asheenaꞌon “Showooch kotebote” iꞌi gettiye. Shabaatte xekee koshon tiijjiꞌi Yeerin galletehe. Tiichiꞌi, “Asheenaꞌoyich qoomebote” iꞌi bi dabbeenaꞌoyich immiye. Bi dabbeenaꞌo asheenaꞌoyich giddii qoomeheete.

Luqaasi 22:19

Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

Luqaasi 24:29

“Noonna tookkiree qebe; showoo beshee, xumetone” iꞌi manjii ataalliyeete. Ebich boonoshina tookkii qeya giyiye.

Luqaasi 24:35

Wotta ohe gutteenaꞌoo gommona hammii boonoshi beetaa tuneti mooyon, wotta koshon tiichii bi immimmona, bekkech biin boonoshi ariyoon gettiyeete.

Luqaasi 9:16

Aroochee Yesuusi uuche xekee koshonaa gutte haashoonon tiijjii yechiꞌi, shimaajj ciinniꞌi Yeerin galletehe; koshonaa haashoonon tiichiꞌi bi dabbeenaꞌoyich “Ebin asheenaꞌo bullich qoomebote” iꞌi immiye.

Yowannisi 6:11

Yesuusiyoo koshon tiijjiꞌi Yeerin galletehe; arooch koteti asheenaꞌoyichoo bi beddemmoyich tuniihe. Ebiyoommon wotta haashoocheenoo boonoshi qaawiti wottoon boonoshich bi beddemmoyich tuniihe.

Mishiraachechinaꞌo 2:42

Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 27:35

Ebin bi gettitoyee gubb, koshon tiijjiꞌi boonoshi bulli aafooch Yeerin galleteꞌi tiichii maahe.