Luqaasi 23:2 - Kafa Linguistics Project

² “Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Luqaasi 23:2 ပူးပေါင်းရင်းမြစ်များ

1 Taateenaꞌo 18:17

Akaabi Eliyaasin beeggiꞌi, “Israꞌeeleenaꞌon duꞌiya beetocho, ebi neene?” iye.

Shoddo 35:11

Gonde asheenaꞌo ta toommooch miixeheete; ta ariyaani mooyon taan echeheete.

Shoddo 62:4

Boonoshi gaboo biin bi oogee xaaꞌoochee kindiyoyichiye; kootee kootona emiriyeete. Boonoshi noonoona diiriyeete; tunebaani boonoshi mulloona uppiyeete.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Amootsi 7:10

Beeteeli beeti yaafee kexooch qeeshee guudo tuneti Amasiyaasi Israꞌeelee taatoo Yeroboꞌam waan wochoon daachiiꞌi ishichiye: “Amootsi Israꞌeeleenaꞌo daggooch tuneechii ne toommooch kocee beetone. Ebi showoon xafiibeeti bi yibbaatoon kootiito aalloone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Maatiyoosi 17:27

Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.

Maatiyoosi 22:21

Boonoshiyoo “Qesaarichone” iyeete. Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.

Maatiyoosi 27:11

Arooba Yesuusi Yihudee iraashoo aafooch neexehe; Yihudee iraashoo “Ne Ayihudeenaꞌochi taatoo neene?” iꞌi echehe. Yesuusi wochiꞌi, “Newolla gettaa beetine” iye.

Maariqoosi 12:17

Yesuusi wochiꞌi, “Ishigaata, Qesaarichon Qesaarich, Yeerichon Yeerich imbote” iye. Boonoshiyoo bi yibbaateti mooyon worganeheete.

Maariqoosi 15:2

Phelaaxoosi Yesuusin “Ne Ayihudeenaꞌo taatoo neene?” iꞌi echehe. Yesuusi wochiꞌi, “Newolla gettaa beetine” iye.

Luqaasi 23:14

boonoshich ishichiye: “ ‘No aagetoon hukkecho tuniiya koccii beetone’ iꞌi hini uroon ta waan deebiyote. Ebiyoche, ittoshi aafoochaa wochaa wochaꞌa ta echetaa, biin ittoshi taggeti mooyoyich hini uro toommoochee ikke gondoonona danetaano taane.

Luqaasi 23:5

Tunebaani boonoshi mooyon manjiiꞌi, “Galiilee showoochee tiijjiꞌi Yihudee showoo bullinaa hini Yerusaaleminooch beddaahaa no macceenaꞌoyich hukkee gommoniye bi koccii beeto” iyeete.

Yowannisi 18:29

Ebich Phelaaxoosi boonoshi beeti maaxooch kechiꞌi, “Hini uro toommooch ittoshi yaaqqiibeeti taggoo amoone?” iꞌi echehe.

Yowannisi 18:30

Boonoshiyoo wochiꞌi, “Hini uro gondoon bi shuunetaan gaata, ne waan deebaachesho noone” iyeete.

Yowannisi 19:12

Arooba Phelaaxoosi Yesuusin biicha qaawiye; tunebaani Ayihudeenaꞌo “Hinin ne biishigaata, Qesaari xiboo toono neene; bi qelloon taatiibeeto bulli Qesaarin biiꞌeya itone” iꞌi cookeeheete.

Mishiraachechinaꞌo 24:13

And taan boonoshi taggeebeeti taggoon miixiyoon hakkaacheete.

Mishiraachechinaꞌo 24:5

“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.

Roomi 13:7

Bullich tun bedoon tuniibote; gibiro echemmoyich gibiroon, qaraxo echemmoyich qaraxoon qocote; shatteya bedoon shatote; oog bedoon oogiibote.