Luqaasi 22:43 - Kafa Linguistics Project

⁴³ Areegaata ikke maraakoo shimaayoochee kindii biich bekkeꞌi biin kupphiihe.

Luqaasi 22:43 ပူးပေါင်းရင်းမြစ်များ

Daaneeli 11:1

“Ta, ta qelloona biin gaachaꞌa kupphiito taane. Ebi bi tuneto, Meedee asho Daariyoosi taateti ikkinnee natoobane.

Maatiyoosi 26:53

Ebiyoommo gaata, ta Nihoon qollo taan mawemmo neech shaahii beete? Ta qolletaa, bekkech aaraa gutte Legiyoonee maraakeenaꞌoyee beshoon taach deejjeshone.

Maatiyoosi 4:11

Areegaata daabiloosi Yesuusin qajjii hammiye. Aroochee maraakeenaꞌo giddeꞌi Yesuusin deggiyeete.

Maatiyoosi 4:6

“ ‘Yeeri neen boonoshi quyemmoyich bi maraakeenaꞌon ne waan deejjemmone; ne baatoonolla xaqqo bi yexaachemmoyich, boonoshi kishoona neen tiijjemminaꞌone’ getaa Yaafe Macaafooch kooreetone. Ebich Yeerichi Bushoo ne gaata, eke, hiniichee dugilla awureeree kindibe” iye.

Luqaasi 22:32

Tunebaani ta toommooch ne mullee tooꞌiyoon ne qayaachemmoyich corootito taane; ta waan ne wottehooba ne maneenaꞌo mulloon kupphiibe” iye.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Yibbaatoo 3:28

Ebi ne beeggeti showoon boonoshi woraashemmoyich, Israꞌeeleenaꞌo aafooch shiichiree Yoordaanoosin boonoshi kimmemmoyich tuniyemmo Yaasine. Ebich bi kupphemmonaa bi manjemmonoyich biin gaachebe. Bi tuniyemmi mooyonoo biich gete’ iye.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Hibireena'o 1:6

Wotta Yeeri qaabbe bi Bushoon hini alemooch wochee bi deejjiyooba, “Yeerichi maraakeenaꞌo bulla biich goyinnebeete” iye.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.