41 Biyoo boonoshiyee xaqqee awur bedoon wokkiꞌi guteneechii,
Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.
Boonoshi aafoochee giishechoon wokkiꞌi hammiye. Showooch baroona guufeechii, tunesho gaata, hini saatooch tunemmi mooyo echemmoyich corootiye.
Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.
“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.
Ebiyee gubb, Phawuloosi boonoshi bullina tookkii guteneꞌi corootiye.
Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,
Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.
Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.
Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.