Luqaasi 22:19 - Kafa Linguistics Project

¹⁹ Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

Luqaasi 22:19 ပူးပေါင်းရင်းမြစ်များ

Shoddo 111:4

Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Hiziqeeli 37:11

Biyoo taach ishichiye: “Ashi bushoocho, ebi shaawusheenaꞌo Israꞌeelee macceenaꞌo bulline; boonoshiyoo ‘Ebiyoche, no shaawusho shuuqqitone; gibenoon kuxxeto noone; ciroona aalleto noone’ itinaꞌone.

Hiziqeeli 5:5

Nuggishoo Doono Yeeri ishichiye: “Ebi Yerusaalemine; showeenaꞌon bi guudoona tuniyaa, aageteenaꞌo daggooch biin kotiito taane.

Daaneeli 2:38

Ashoon, kubbi cooxonaa shimaajji kafoonon amee xaaꞌoochona bi beetaa, eboshi bullin ne hajjemmoyich ne kishooch beshiiꞌi immitone. Ebi aachoochee shuuneeti qello geto neene.

Maatiyoosi 14:19

Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete.

Maatiyoosi 15:36

Shabaatte xekee koshonaa haashoonon yechiꞌi Yeerin galletehe. Tiichiꞌi bi dabbeenaꞌoyich immiye. Bi dabbeenaꞌoo asheenaꞌoyich giddiiꞌi qoomeheete.

Luqaasi 22:17

Aroochee woyinee uyoon yechiti xoofoon tiijjii Yeerin galleteꞌi bi dabbeenaꞌoyich “Ittoshich gettoye: Yeerichi taatittine waammi wottoon ebiyee damba hini woyinee uyoochee uyaachemmo taane. Ebich haꞌote; ebin geechebote” iye.

Luqaasi 22:20

Ebiyoommon wotta gifiree hillooch woyinee uyoon yechiti xoofoon tiijjiꞌi ishichiye: “Hini woyinee uyo ittoshi naboyich ufemmi ta damoone; ebiyoo Yeeri neechemmi andire wogee malletoone.

Luqaasi 24:30

Boonoshina tookkii maayoon maaya madooch koteebee, koshon tiijjiꞌi Yeerin galletehe; tiichiꞌinoo boonoshich immiye.

Yowannisi 6:23

Tunebaani [Doono galletetaa] koshon boonoshi maati xaaꞌee gaꞌooch beeti Xibaaridoosi katemoochee bare markabeenaꞌona hammiyeete.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

1 Qorontoosi 10:16

Yeerin galletaꞌa no qoodeebeeti, diireeti xoofeexi uyo Kiristoosichi damoon gogo toone? No tiichaabeeti kosho Kiristoosichi meenon gogo toone?

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Galaati 4:25

Ebi Haggaari Arabee showooch beeti Siini guudi shaahiyeene. Andoo showooch beeti hanaachi Yerusaalemichi shaahiyeene. Bi bushiishoona tookkaa guuchittinooch beetine.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.