Luqaasi 21:8 - Kafa Linguistics Project

⁸ Yesuusi wochiꞌi boonoshich ishichiye: “Koniyoona ittoshin bi muriciyaachemmoyich ittoshi qelloon quyebote. Meetinaꞌo ‘Ta aroo taane’ wotta ‘Kiristoosi woyemmi yemeeno shaggitone’ getibee ta shigoona woyemminaꞌone; ebiyooba ishichimminaꞌon dabbiyaahote.

Luqaasi 21:8 ပူးပေါင်းရင်းမြစ်များ

Erimiyaasi 29:8

Ebich Israꞌeelee Nuggishoo Beshe Mawe Doono Yeeri ishichiye: “Ittoshi daggooch beeti keemechinaꞌonaa kaayechinaꞌona ittoshin dawushaayeete; boonoshi gummiibeeti gumonoo waayeyaahote;

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 4:17

Aroobee yemeenoochee tiijjiꞌi Yesuusi “Shimaajji taatittinee ittoshi kellooch shaggetine; ebich axaaxee gommoochee Yeer waan wottebote” iibee getooch giyiye.

Luqaasi 17:23

Arooba asheenaꞌo ittoshich ‘Hiniichiye’ woyee ‘Beqach ebiichiye’ gettemminaꞌone; tunebaani arooch boonoshina tookkiree hammaahote; boonoshinoo dabbiyaahote.

Luqaasi 21:7

Arooba Yesuusin bi dabbeenaꞌo “Dojjechocho, illa hini mooyo bi tunemmo aatane? Hini mooyo ceenn bedon bekkiyemmi malletoo amoone?” iꞌi echeheete.

Luqaasi 21:9

Ginee woroonaa hukkee woroonon ittoshi waayehooba keqqiyaahote. Ebi bulli shiichii tuno echeyaachemmone; tunebaani yemeenee ciiro bekkech tuneyaachemmone” iye.

Yowannisi 5:43

Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Yowannisi 8:28

Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

1 Qorontoosi 6:9

Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.

Yaaꞌoo 1:3

Ebi mooyinaꞌo ceennemmi yemeeno katinnitone; ebich hini keemee qaaroon shemmee beeto, waayee beetinaꞌonaa kooreeton quyee beetinaꞌona diireetinaꞌone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.