Luqaasi 21:34 - Kafa Linguistics Project

³⁴ “Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Luqaasi 21:34 ပူးပေါင်းရင်းမြစ်များ

Halloo 19:32

Ebich ne waataa no nihoyich woyinee uyoon uchi mashiichi, biinna tookki qebone; bi yaroo doogaachemmoyich, bushoon biich shibone” iyan.

Halloo 19:35

Aroobee xum wotta boonoshi nihoyich mashiibeeti woyinee uyoon uchiyeete. Guucheyoo bi waan giyahan. Aroo bushee gimonaa keyonon ariyaanoone.

Halloo 27:14

Ebich hammii deebii bi indeech immiye. Biyoo Yisaaqi shunnii beetoommon tuniyaꞌa shaawujjaa kachiihan.

Shoddo 35:8

Aallo diqqoona boonoshi toommooch shage; boonoshi dabbeti dabbo boonoshin yeshe; oppooch dihiree aallebeete.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Shaahiyoo 23:20

Wodde woyinee uyoon uchii beetinaꞌona tookki, woyee meenon dakiibeeti maaci shuneenaꞌona tookki, guuphiyaahine!

Dojjecho 9:12

Asho bi ciiro aata gaata ariyaache. Haashoo dabbooch bi yechoommon, kafoo ballaattooch bi yechoommon, asho gabaanoon diqqoona qitoona danehe.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Hosee'i 4:11

Doono Yeeri ishichiye: “Yahoo, yagiti woyinee uyoonaa andire woyinee uyoona shalligoon keccii beetone.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maariqoosi 13:9

“Illa ittoshi qelloon quyebote; nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ta miixoo ittoshi tunemmoyich ta naboyich iraasheenaꞌonaa taateenaꞌonochi aafooch neexemmo ittoshine.

Maariqoosi 4:19

hini showeexi beemon gaboo, gijjee shaawona dacheyoonaa baribare mooyon dakoona boonoshi mullooch naaxiꞌi boonoshi waayeti qaaroon maahe. Ebichi naboona aafeyaanoon dobbeꞌi echeheete.

Luqaasi 10:41

Doono Yesuusi wochiꞌi, “Maaritte, Maaritte! Meeti mooyona ne mulloon xuuxiihine; iriteenoo iyine.

Luqaasi 12:40

Ebich ittoshi wotta qanniree beebote; Ashi Bushoo ittoshi gabaani saatooch woyemmone” iye.

Luqaasi 17:3

Ebich ittoshi qelloon quyebote. “Ne manoo neen bi xuꞌigaata, bi waan hamiree ittibatebe. ‘Gondo taachone’ bi getigaata, maaribe.

Luqaasi 21:35

Are aabo showooch beetinaꞌo bulli toommooch diqqoona shaggemmone.

Luqaasi 21:8

Yesuusi wochiꞌi boonoshich ishichiye: “Koniyoona ittoshin bi muriciyaachemmoyich ittoshi qelloon quyebote. Meetinaꞌo ‘Ta aroo taane’ wotta ‘Kiristoosi woyemmi yemeeno shaggitone’ getibee ta shigoona woyemminaꞌone; ebiyooba ishichimminaꞌon dabbiyaahote.

Luqaasi 8:14

Angichi xuppo beeti showooch holliti yaroomminaꞌo geto, Yeerichi qaaroon boonoshi waayetoyee gubb, beemi gaboo, gaannoonaa mashaamiti beemona kechii bi maatoyich, kashaalli taxxe aafoommi asheenaꞌo getone.

1 Qorontoosi 5:11

Tunebaani “Kittinnee maneenaꞌo getteetinaꞌo daggoochee ikkoo shunimaayo woyee hiriggecho woyee shahalloyich goyinnecho woyee naagecho woyee mashecho woyee boggecho bi tunegaata, biinna tookki ikkotteyaahote. Ebiyoommi ashoona tookkiree maayoonolla maayaahote” iyaꞌaniye ta koorito.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Hibireena'o 12:15

Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

2 Pheexiroosi 3:14

Ebich ta shunechinaꞌote! Ebi mooyinaꞌon quyebee, Yeeri aafooch kiinaallo, bachaallo, tuneree mullee diggoona beebee ittoshi danemmoyich kupphebote.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.