Luqaasi 20:10 - Kafa Linguistics Project

¹⁰ Ebiyee gubb, woyinee aafee gooroo shagaa, hini are uro ‘Woyinee aafoon maci qoodeeree ta qoodoon deebe’ iꞌi ikke bi guunon hini are quyechinaꞌo waan wochehe. Quyechinaꞌoo are bi wocheti guunon yechii xoobbiꞌi shokke kishoon wochii daachiiheete.

Luqaasi 20:10 ပူးပေါင်းရင်းမြစ်များ

1 Taateenaꞌo 22:24

Aroochee Kenanaahi bushoo Sedeqiyaasi Mikiyaas waan giddeꞌi, bi gaakkooch tappeechii, “Doono Yeerichi Ayaano neen bi yibbaatiito, ta waanee aabina besheꞌiniye?” iye.

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

1 Kiinoo 19:4

Ebich Hanuuni Daawiti asheenaꞌon yechiꞌi, boonoshi ishaanoon caggiye. Boonoshi tahoon shimetoochaa maaccii, shokkaachoon echiiꞌi daachiihe.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 20:2

Aroochee Fashuuri keemechi Erimiyaasin yexxiye; Doono Yeerichi yaafee kechi dambee Biiniyaamee Kellooch beeti baatee qoqqaannee giindooch qoqqaanniye.

Erimiyaasi 35:15

Keemechinaꞌo tuneti ta guuninaꞌo bullin wochii wochii ittoshi waan deejjaꞌa, boonoshina “Ittoshi ikkikkoona ittoshi gonde gommoochee wottebote; ittoshi shuunoon gaawichibote; boonoshich goyinnoyich bare nuggisheenaꞌon dabbiyaahote; ittoshinaa ittoshi qaabbechinaꞌonoyich ta immeti showooch kotemmo ittoshine” iyoye; tunebaani ittoshi, ittoshi waamon ta waan gaꞌiyaano ittoshine; taachonoo waayeyaano ittoshine.

Erimiyaasi 5:24

“Ittoshiyoo ‘Batti batti amiyonaa digeni amiyonon nooch dichiibeeti, marehoon bi gooroona nooch deebiibeeti, no Nuggishoo Doono Yeerin shatone’ getaano ittoshine.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 20:11

Bare guunon daakkiꞌi bi wochetaa, boonoshiyoo wotta aroon xoobbii cooneꞌi shokke kishoon wochii daachiiheete.

Luqaasi 20:9

Yesuusi hini shaahiyoon dofee asheenaꞌoyich ishichiꞌi getooch giyiye: “Ikke uro woyinoon bi budooch bechiye; aree hillooch goyi shiimeree quyemminaꞌoyich quyiichii bare showooch hammiꞌi yagiye.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Roomi 7:4

Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine.