Luqaasi 2:41 - Kafa Linguistics Project

⁴¹ Beshee Baarooba, Maariyaminaa Yooseefina boonoshi doyoommon Yerusaalem hammii beeheete.

Luqaasi 2:41 ပူးပေါင်းရင်းမြစ်များ

Keyo 12:11

Ebi meenon ittoshi maa beegaata, ittoshi shimetoon cuye, ittoshi caammoon gedi, ittoshi gumboon yeshiree, afaafinoona mamote. Ebiyoo Doono Yeeri taach tunemmi, ittoshi baaremmi Beshee Baaroone.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 34:23

Natooch keejje wottoon anaamo bulli Israꞌeelee Nuggishoo Doono Yeeri ta aafooch giddebe.

Leweenaꞌo 23:5

Doono Yeeri taach baareyemmi Beshee Baaroo ikkinnee agenee aaraa awuddinnee qemoobee xum baareyemmone.

Haddoo 28:16

“ ‘Batti batti agenee aaraa awuddinnee qemooba Doono Yeeri taach Beshee Baaroo baareyemmone.

Luqaasi 2:42

Ebich Yesuusin bi shiijjeti aaraa gutte natooba yechiꞌi are baaree doyoommon Yerusaalem hammiyeete.

Yowannisi 11:55

Ayihudeenaꞌo baariibeeti Beshee Baaroo katinniye. Dofee asheenaꞌo boonoshi qelloon boonoshi xalliyemmoyich, ebi Beshee Baaroyee shiichiꞌi boonoshi beeti showoochee Yerusaalem waaheete.

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 2:13

Ayihudeenaꞌochi Beshee Baaroo katinniye. Ebich Yesuusi Yerusaalem hammiye.

Yowannisi 6:4

Ayihudeenaꞌo baariibeeti Beshee Baaroo katinniye.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 16:16

“Natooch keejje wottoon, ebiyoo Shittoo Giyaani Kochi Baarooba, Maayi Qeci Baaroobinaa Bashee (Yambaaree) Baaroobinooch, Israꞌeelee asho tuneti anaamo bulli ne Nuggishoo Doono Yeeri kaacciti xaaꞌooch, bi aafooch giddebe. Doono Yeeri aafooch shokke kishoon giddaayeete.

1 Saameeli 1:21

Ebiyee gubb, Eliqaani Doono Yeerich nati deejjoon deejjoonaa bi mookketi mookkoon giijjoonoyich, bi kechi asheenaꞌo bullina tookkii Shilooha hamma tiyiye.

1 Saameeli 1:3

Are uro Beshe Mawe Doono Yeerich goyinnoonaa deejjoon deejjoonoyich bi beeti katemoochee Shilooha nati natona hammii beehe. Eelichi gutte bushiisheenaꞌo, Hoofininaa Finihaasina, qeesheenaꞌo tuneꞌi arooch beetinaꞌone.