Luqaasi 2:4 - Kafa Linguistics Project

⁴ Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch,

Luqaasi 2:4 ပူးပေါင်းရင်းမြစ်များ

Halloo 35:19

Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone.

Halloo 48:7

Mesopotaamee wottee Efiraata shagg ta beddaahaa, ne indee Raaheeli Kanaanee showoochaa bi qitaa, oogeton ayinaa muushenoye. Efiraata daammiibeeti gommi gashooch duukkoye” iye. Efiraati and Beetilehemi getteebeeti katemoone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 2:23

Naazireeti katemooch kotehe. Ebich Yeerichi keemechinaꞌona “Kiristoosi Naazireetecho getteyemmone” iꞌi bi gettito ceenniye.

Luqaasi 2:3

Ebich asho bulli haddeyoyich bi katemi katemooch hammiye.

Luqaasi 2:5

bi shigo kobereyemmoyich, shaagga bi maakkiiti Maariyamina tookkii hammiye; areyoo gutte kashechine.

Luqaasi 4:16

Yesuusiyoo bi dicciti Naazireet waaꞌi, bi doyitoommon shambetooba boonoshi kiceebeeti kexooch giyiye; shemmoyich bi tiyimmona,

Yowannisi 1:46

Naatinaꞌeeliyoo “Naazireetee deꞌe mooyo kechehe?” iꞌi echehe. Filipphoosiyoo “Waaree beege” iye.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Ruuti 1:19

Ebina gutteꞌi Beetilehemi katemooch beddaahaa hammiyeete. Beetilehem boonoshi shaggimmona, katemeexi asheenaꞌo bulli boonoshin beeggiꞌi worganeheete. Genneenaꞌoo “Hini Naꞌoomine?” iibee bunneeheete.

Ruuti 2:4

Areegaata Boꞌaazi Beetilehemi katemoochee ebi bi maayo qecceebeeti budooch waahe. Shuunechinaꞌon “Doono Yeeri ittoshin gaachebe” iye. Boonoshiyoo “Doono Yeeri neen diiribe” iyeete.

Ruuti 4:11

Ebi iitee xaaꞌooch koteti geeneenaꞌonaa bare asheenaꞌo bullina ishichiyeete: “Eeha, miixoo noone. Doono Yeeri ne woraashiti ureen no qaabbechi Yaaqobich meeti bushiishoon shiyeti Raaheelinaa Liyinoommon tuniibe. Doono Yeeri Efiraati yaroochee neen gaanniibe. Beetilehemi katemooch ne shigo aricheto tunebe.

Ruuti 4:17

Naꞌoomichi giyeenaꞌo tuneti genneenaꞌo “Naꞌoomich anaami bushoo shiijjete” iibee ebi bushoon Obeedi iꞌi shigiiheete. Obeedi Daawiti nihoo Iseyichi nihoone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:4

Saameeliyoo Doono Yeeri gettiton tuniihe; Beetilehem hammiye. Are katemoon qeejjiibeeti geeneenaꞌo qeweebee bi waan waaꞌi, “Diggoyichiye ne waato?” iyeete.

1 Saameeli 17:12

Daawitiyoo Yihudee showooch, Beetilehem beeti Efiraatee asho Iseyi bushoone. Iseyich shimitte anaami bushiishoo beetone. Biyoo Saaꞌoolichi taatittinee yemeenooba geenee baayetone.

1 Saameeli 17:58

Saaꞌooliyoo biin “Gurimaashoocho, koni bushoo neene?” iꞌi echehe. Daawitiyoo “Ta, Beetilehemechi ne guuno Iseyi bushoo taane” iye.

1 Saameeli 20:6

Ne nihoo ta aalloon ariiꞌi bi echegaata, ‘Daawiti, bi kechi asheenaꞌo bulli nati deejjoon giddiyemminaꞌo boonoshi tunetoyich, bi beemi katemoo Beetilehem afaafinoona hamoyich taan daaggoo qolletone’ gete.