Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luqaasi 2:34 - Kafa Linguistics Project

34-35 Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

အခန်းကိုကြည့်ပါ။ ကော်ပီ




Luqaasi 2:34
38 ပူးပေါင်းရင်းမြစ်များ  

Ishichiinoo Abraamin diiriye: “Shimaayoonaa showoonon halliti, Beshe Nuggishoo Yeeri Abraamin diiribe.


Aroyee gubb Yooseefi bi nihoo Yaaqobin giijjiꞌi, Farooni aafooch neechiye. Yaaqobiyoo Faroonin diggiiꞌi diiriye.


Muusiyoo ebi shuuneeti mooyo bullin Doono Yeeri gettitoommon tuniiꞌi boonoshi shuunoon beeggiye; boonoshinoo diiriye.


Ebiyoche taannaa Doono Yeeri taach immiti ta bushiisheenaꞌona, Tsiyooni guudi toommeexi Beshe Mawe Doono Yeer waanee Israꞌeeleenaꞌoyich malletoonaa worganikkiti mooyona noone.


Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.


Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.


Ebiyee gubb, Yesuusi dofee asheenaꞌoyich getooch bi beetaa, bi indeenaa bi maneenaꞌona biinna daneya qaawiꞌi maaxooch neexeheete.


[Hini xaqqee toommooch dihimmo buricemmone; tunetaa hini xaqqo bi toommooch dihimmo bulli yiikkeyemmone]” iye.


Kiceeꞌi ishichiyeete: “Doonocho, are ashoon dawushoona muriciyecho qitaanoon beebee, ‘Keejje qemoyee gubb qitoochee tiyemmo taane’ bi iton shalligito noone.


Gonde mooyon shuuneebeeto bulli bekkoon shixxii beetone; bi gonde shuunoo bi bekkeyaachemmoyich, bekko beetooch keyaache.


Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.


Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.


Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;


“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.


Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.


Doono Yeerinaa bi doonjiiti Kiristoosinon kocha showee taateenaꞌo tiyiyeete; ukkireenaꞌoo kiceeheete’ ito neene.


Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.


Amoyichiye shago boonoshi qajjito? Shuunoonalli, Yeeri toommooch mullee tooꞌiyoona cadiqoon boonoshi qaawoo qajjitoyichiye. Yeeri ishichitone: “Ebiyoche, asheenaꞌon tephemmi xaqqoon, yexi dichemmi xaqqee guudon Tsiyoon kotiyemmo taane; bi toommooch mulloon tooꞌiibeeto yeelleyaachemmone” getaa bi kooreetoommon, ebi are tephemmi xaqqoona tepheeꞌi dihiyeete.


Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.


Ebi Meleekitsedeqi Saalemi taatoonaa Beshe Nuggishoo Yeerich maddeebeeti qeeshoonane. Abrahaminaa bi aafee bushiisheenaꞌona awudde taateenaꞌon kochii wochiꞌi boonoshi wottehooba, Meleekitsedeqi Abrahamina tookkii daneꞌi biin diiriye.


Diireebeeti asho diiriibeeti ashoyee desho bi tuno aricheti mooyone.


Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.


Arooba Eeli Eliqaaninaa bi mechee Haanninon “Doono Yeerich bi immeti bushoochi keroon Doono Yeeri hini ure waanee bushiishoon neech imbe” iibee diirii beehe. Aroochee boonoshi kexooch wottee beeheete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ