Luqaasi 2:26 - Kafa Linguistics Project

²⁶ Yaafe Ayaano “Doono Yeerichi Masihin beegaanoon qitaachemmo neene” iꞌi biich gettiye.

Luqaasi 2:26 ပူးပေါင်းရင်းမြစ်များ

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Maatiyoosi 2:12

Ebiyee gubb, Yeeri gumona “Wotteree Heroodis waan hammaahote” iꞌi bi gettitoyich, bare gommona boonoshi showooch wotteꞌi hammiyeete.

Luqaasi 2:29

“Doono Yeero, aageteenaꞌo bulli aafooch ne qanniiti ne wodiyoon, ta aafoona beeggeto taane. Ebiyoo Aageteenaꞌo bullich iberoon bekkiyemmi bekko, ne maccoo tuneti Israꞌeeleenaꞌoyich oogee yiiroone; taach ne gettetoommon and ne guuno taan diggoona kashiibe” iye.

Luqaasi 9:27

Iberoon ittoshich gettoye: Hiniich neexee beetinaꞌo daggoochee ikkikkeenaꞌo Yeerichi taatittinoon boonoshi beeggimmi wottoon qitaachemminaꞌo beetinaꞌone” iye.

Yowannisi 1:41

Biyoo Yesuus waanee kechii hammii shiichii bi hajjee manoo Simoon waan shaggii, “Masihin daneto noone” iye. Masihi geto “Kiristoosi” getone.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 4:29

“Ta tuniito bullin taach gettiti uroon waaree beegote! Aroo Kiristoosi tunehe?” iyan.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 17:3

Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Hibireena'o 11:5

Henooki mulloon Yeeri toommooch bi tooꞌitoyich qitaanoone; qitaanoon kashoona bi beetaa, Yeeri biin daammitoyich, koniyoona biin danoon hakkaanoone. Yeeri biin daamoyee shiichiꞌi, biin emirikkito bi tunoon miixetone.