Luqaasi 18:32 - Kafa Linguistics Project

³² Aageteenaꞌoyich beshiiree immemminaꞌone; boonoshiyoo coonemminaꞌone; naaggemminaꞌone; bi toommooch cuddemminaꞌone;

Luqaasi 18:32 ပူးပေါင်းရင်းမြစ်များ

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 52:14

Ashichoyee beshoon bi malleto bachitoyich, ashichoyee beshoon bi gaawoo xummetoyich, meetinaꞌo bi naboona worganemminaꞌone.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 22:6

Echeenaꞌo wocheetinaꞌon yechiꞌi boonoshi kashoon yulliiheete; wuxiinoo iyeete.

Maatiyoosi 26:67

Arooba bi aafooch cuddiyeete; biinoo tukeheete; bareenaꞌo wotta tappeebee,

Maatiyoosi 27:2

Cuchiꞌi daammii iraashoo Phelaaxoosich beshiiꞌi immiyeete.

Maariqoosi 14:65

Boonoshi daggoochee ikkikkeenaꞌo bi toommooch cuddiyeete; bi aafoon kaappiichii xoobbiibee, “Konine neen xoobbito? Eke keemecho ne gaata gete” iyeete. Aree hillooch kellechinaꞌo tappeebee daammiyeete.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Luqaasi 18:33

arengoona xoobbemminaꞌone; aroyee gubb wuxemminaꞌone; tunebaani keejje qemooba qitoochee tiyemmone” iye.

Luqaasi 23:1

Hini are nallechinaꞌo bulli tiyii Phelaaxoos waan Yesuusin daammiꞌi,

Luqaasi 23:11

Wotta Heroodisi bi ginee naayinaꞌona tookkii Yesuusin qallayii coonehe. Malletechi tahoon tajjiꞌi Phelaaxoos waan wochii daachiihe.

Luqaasi 23:35

Aroochaa meeti asheenaꞌo neexeꞌi ciinnii beeheete. Ayihudee nallechinaꞌo wotta “Bareenaꞌon wodiihe; eke Yeeri kacciti Kiristoosi bi gaata, bi qelloon wodiibe” iibee cooqqiriyeete.

Yowannisi 18:22

Yesuusi bi ishichimmona, arooch neexeebeeti yaafee kechi kellechinaꞌo daggoochee ikkoo “Qeeshee guudoyich ishichaꞌa wochinne?” iꞌi Yesuusin tappehe.

Yowannisi 18:28

Yesuusin Qeyaaf waanee Yihudee iraashoo kibbooch daammiyeete. Showoo batt maaddoone; Ayihudeenaꞌo “Iraashoo kibbooch giyaꞌa no eeꞌegaata Beshee Baaree maayoon mamon hakkaachemmo noone” iꞌi boonoshi shattitoyich, iraashoo kibbooch giyaaneenaꞌone.

Yowannisi 18:30

Boonoshiyoo wochiꞌi, “Hini uro gondoon bi shuunetaan gaata, ne waan deebaachesho noone” iyeete.

Yowannisi 18:32

Ebi bi tuneto, Yesuusi amoommi qitoon bi qitemmo gaata bekkiyoyich bi gettiti qaaro ceennemmoyichiye.

Yowannisi 18:35

Phelaaxoosiyoo wochiꞌi, “Ta Ayihudo taane? Ne asheenaꞌonaa qeeshee ukkireenaꞌonane neen taach beshiiꞌi immitinaꞌo. Halla amooniye ne hallito?” iye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 3:13

Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.