Luqaasi 18:30 - Kafa Linguistics Project

³⁰ hini yemeenooch beshaa beshoon daakkaa danemmone; wotta woyemmi yemeenoochoo bulli yemeenee kashoon danemmone” iye.

Luqaasi 18:30 ပူးပေါင်းရင်းမြစ်များ

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Shoddo 119:103

Ne qaaro am shaahoon taach shaawiye! Eeyoyee beshoon ta kookkooch noocciye.

Shoddo 119:111

Ne qociyoo bulli yemeenoon ta hajjoone; ta mulloo ebina emiriye.

Shoddo 119:127

Ne geteenaꞌon aachoyee, xalle aachoyee beshoon shunnehoye.

Shoddo 119:162

Wodde kecoon daneꞌi emiriibeeti ashichoommon, ne qaaro taan emirikkiye.

Shoddo 119:72

Dofee aachoonaa xure birewoonoyee, ne noonoochee kechiibeeti sheeroo taach beshoone.

Shoddo 37:16

Gondeenaꞌoyich beeti meeti gaannoyee, cadiqoyich beeti giishecho beshiye.

Maatiyoosi 12:32

Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.

Maatiyoosi 4:24

Arooba bi mooyo Sooriyee showoo bulliich waayeehe. Ebich asheenaꞌo baribare biiyoonaa xuuxoona xuuxeꞌi beetinaꞌo bullin, yinno boonoshi toommooch beetinaꞌon, duppiibeeti biiyechinaꞌon, boonoshi ashittino qititinaꞌon eboshi bullin bi waan deebiyeete; boonoshinoo Yesuusi wodiihe.

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

1 Ximootiyoosi 6:6

Tunebaani asho “Taach beeto beddiye” bi getigaata, Yeerich diireeti kittinnee qocoona beemo biin ibere gaannechon tuniyemmone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.