Luqaasi 18:14 - Kafa Linguistics Project

¹⁴ “Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Luqaasi 18:14 ပူးပေါင်းရင်းမြစ်များ

Iyoobi 22:29

Asheenaꞌo giishetaa, ‘Boonoshin oogiibe’ ne getaa, Yeeri giishetinaꞌon wodiyemmone.

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Iyoobi 9:20

Xalloo ta tunetaanoona, ta noonoo wochii taan gondii beetone; oonaallo ta tunetaanoona, ta mooyon xummii beetone.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shoddo 143:2

Kashecho bulli ne aafooch cadiqo tuno bi qajjitoyich, ne guuno taan nallee gabberooch giddiyaahine.

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Shaahiyoo 15:33

Doono Yeerin shato, shalligoon doyoone; qelloon giishiyoo, oogoyee shiichoone.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Shaahiyoo 25:7

Iraashoo aafoochaa ne giishoyee, “Hach damba wobe” ne getteyoo gaawiye. Ne aafoona ne beeggeti mooyon,

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Shaahiyoo 3:34

Coonechinaꞌon coonemmone; tunebaani boonoshi qelloon giishii beetinaꞌoyich wojjoon immemmone.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Maatiyoosi 23:12

Bi qelloon oogiimmo bulli giishemmone; bi qelloon giishiimmo bulli oogemmone” iye.

Maatiyoosi 5:3

“Ayaanoona girechinaꞌo diireetinaꞌone; shimaajji taatittine boonoshichine.

Luqaasi 1:52

giidechi taateenaꞌon boonoshi taatee qeenoochee kindiitone; boonoshi qelloon giishii beetinaꞌonoo oogiitone.

Luqaasi 10:29

Are uroo bi qelloon deꞌo tuniiya qaawiꞌi Yesuusin “Ta manochi konine?” iꞌi echehe.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 4:5

Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

Roomi 8:33

Yeeri kaaccitinaꞌon taggemmo konine? Yeeri bi qelloona cadiqiihe.

Galaati 2:16

Tunebaani asho Yesuus Kiristoosi toommooch mulloon tooꞌiyoonalli, sheeroon ceechoona cadiqaachemmo bi tunoon ariito noone. Ebich sheeroon ceechoona tuneyaanoon, Kiristoosi toommooch mullee tooꞌiyoona no cadiqemmoyich, no mulloon Kiristoos Yesuusi toommooch tooꞌiito noone. Meenon taheti asho koniyoona sheeroon ceechoona cadiqaache.

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Saameeli 1:18

Biyoo “Ne gonnee tawoo ne aafoochaa gidoo danetin tunebone” iyan. Aroochee wottaa hammahan; maayoonoo maahan. Aroyee gubb, illa aafichoommon ayinaaneene.