Luqaasi 17:6 - Kafa Linguistics Project

⁶ Biyoo wochiꞌi boonoshich ishichiye: “Shanaafee aafeyoommi giisheche mullee tooꞌiyoo ittoshich bi beemmo gaata, hini neexeꞌi beeti caaree mixon ‘Cammona waaxeree baharooch hamiree becheebe’ ittoshi getaa, biyoo ittoshich deꞌa getteshone” iye.

Luqaasi 17:6 ပူးပေါင်းရင်းမြစ်များ

Maatiyoosi 14:29

Yesuusiyoo “Wobe” iye. Pheexiroosi markabeechee kindiꞌi aachi toommona shaꞌeebee Yesuus waan hammiye.

Maatiyoosi 17:20

Yesuusi boonoshich wochiꞌi ishichiye: “Yeeri toommooch mulloon tooꞌiyoo ittoshi qajjitoyichiye. Iberoon ittoshich gettoye: Ittoshi mulloon giishecheenolla Yeeri toommooch ittoshi tooꞌii gaata, hini geppoon ‘Hiniichee tiyiree okk ebiich beshebe’ ittoshi getigaata, beshemmone; ittoshin mawemmi mooyo amolla aalloone.

Maatiyoosi 21:21

Yesuusiyoo wochiꞌi, “Iberoon ittoshich gettoye: Mulloon Yeeri toommooch ittoshi tooꞌiigaata, wotta mulloonoo guttiyoo ittoshi qayigaata, balaasee mixin ta tuniito ikkeeto tuneyaanoon, hini geppoonolla ‘Hiniichee waaxeree baharooch awureebe’ ittoshi getigaata, tunemmone.

Maariqoosi 4:31

Shanaafee aafeyoommine. Areyoo showee toommooch bi shookkaa beehooba, bare maayi yaroo bulliyee giishecheene.

Maariqoosi 9:23

Yesuusi wochiꞌi, “ ‘Neech bi hakkeegaata’ inne? Mulloon Yeeri toommooch tooꞌitoyich, bulli mooyo hakkeyemmone” iye.

Luqaasi 13:19

Asho daammii bi daaddooch shookkiti shanaafee aafeeniye bi shaahaabeeto. Collaꞌa bi diccehooba mixochoommon gafgappahan; shimaajji kafeenaꞌo waaꞌi bi atooch koteheete” iye.

Luqaasi 17:7

Yesuusiyoo daakkiꞌi ishichiye: “Ittoshi daggoochee goyoon biich gochiibeeti woyee bagoon quyeebeeti guuno biich beeto, are guuno shuunoochee bi wottemmona, ‘Kaate hach gidderee madooch kotebe’ gettemmo konine?

Luqaasi 19:4

Ebich Yesuusi hammemmo caaree michi baateexi gommona bi tunetoyich, biin beegoyich ashoyee aaf shiichiꞌi woccii hammii are caaree michi toommooch kechiye.

Luqaasi 7:13

Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Luqaasi 7:19

“ ‘Woyemmone’ getteeti Kiristoosi neenee, baroon quyebona? getiree echebote” iꞌi Doono Yesuus waan daachiihe.

1 Qorontoosi 13:2

Keemoon keemmi hakkoo taach bi beetaa, Yeerichi maacee mooyo bullin ariiꞌa ariyoo bullin dano ta hakkitaa, Yeerin gibenaꞌa geppoon “Hiniichee tiyiree okk ebiich beshebe” iyaꞌa tuniyoon ta hakkitaa, shuno taach aallegaata, shokkaachoo taane.