Luqaasi 17:1 - Kafa Linguistics Project

¹ Yesuusi bi dabbeenaꞌoyich ishichiye: “Ashich xugo tuneree yexi dichemmi mooyo womo echeyaachemmone; tunebaani are xugoon tunemmi ashich woowo!

Luqaasi 17:1 ပူးပေါင်းရင်းမြစ်များ

Maatiyoosi 16:23

Tunetaa bekkech Yesuusi guuddii wotteꞌi Pheexiroosin “Hini Sheexaanoocho, ta waanee wohe! Taach xugo tuneto neene. Ashichonalli Yeerichon gabaachine” iye.

Maatiyoosi 18:7

Ashich xugo tunemmi mooyo woyemmo bi tunetoyich hini showee toommeexi asheenaꞌoyich woowo! Xugo tunemmi mooyo womo echeyaani mooyone; tunebaani are uroon xugo tuneꞌi dichimmi uroyich woowo!

Luqaasi 16:31

“Abrahamiyoo ‘Muusinaa keemechinaꞌona kooriti macaafeenaꞌoochee waayo boonoshi qayigaata, ikkoo qitoochee tiyii hammiꞌi bi gettitaanolla, iberiyaachemminaꞌone’ iꞌi wochiye” iye.

Roomi 14:13

Illa hanaachina ikka getiree noonnaa noonna ikkoo baroo toommooch nalloon qaye. Ebiyeenoo wotta kittinnoo tuneti ikke bi manoon axaaxooch yexi dichemmi mooyon gedoochee no qelloon quyebone.

Roomi 16:17

Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

1 Qorontoosi 10:32

Meeti asheenaꞌo wodemmoyich, boonoshich gaaccemmi mooyonalli taach gaaccemmi mooyon qaawaanoon, bulli mooyona asho bullin emirikkaabeeti taachoommon, ittoshiyoo wotta asho bullin emirikkibote. Ayihudee ashoyich, Giriikee ashoyich, Yeerichi kittinnee guuphoyichoo xugo tuneyaahote.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

1 Qorontoosi 8:13

Illa ta maabeeti maayo ta manooyich xugo bi tunesho gaata, biin yexi ta dichaachemmoyich, ta maayemmi meeno ta qitimmi wottoon echebe.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

Yaaꞌoo 2:14

“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.