Luqaasi 16:9 - Kafa Linguistics Project

⁹ Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

Luqaasi 16:9 ပူးပေါင်းရင်းမြစ်များ

Shoddo 73:26

Ta kashoonaa ta meenona niroon hakkiye; tunebaani Yeeri bulli yemeenoon ta hakkoonaa ta qoodoonane.

Shaahiyoo 14:24

Mullechinaꞌoyich gubbichoo, boonoshi gaannoone; tunebaani tuusheenaꞌo boonoshi tuushoona aricheheete.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Shaahiyoo 23:5

Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.

Dojjecho 11:1

Ne koshon aachi toommooch dufe! Meeti aaboyee gubb wochi danemmo neene.

Isiyaasi 57:16

Ashi ayaanoonaa ta halliti kashoona dooyaachemmoyich, bulli aaboon ittibateyaache; wochi wochi kaareyaache.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Maatiyoosi 19:21

Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Maatiyoosi 6:19

Daakkiꞌi Yesuusi ishichiye: “Piloonaa osheroona aalliyemmi, gaayeenaꞌo iiyiree gaajjemmi showee toommooch ittoshi gijjoon kiciyaahote.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 14:14

Eboshi aree keroon wochoo hakkaaneenaꞌo boonoshi tunetoyich, Yeeri neen diiremmone; wotta cadiqeenaꞌo qitoochee boonoshi tiyiyooba, Yeeri neech ebichi keroon wochemmone” iye.

Luqaasi 16:11

Illa hini showeexi gijjoyich ittoshi gibeneyaaneegaata, ittoshin gibeneree ibere aaxxe mooyon ittoshi kishooch beshiiree immemmo konine?

Luqaasi 16:13

“Wotta gutte doonoyich hajjeyoon hakkemmi aafee bushoo aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache” iye.

Luqaasi 16:4

‘Ahaa! Gaawiye; ta shuunoochee yookkaa ta getigaata, asheenaꞌo boonoshi kexooch taan boonoshi giddiyemmi gommon ariito taane’ iye.

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Yihudi 1:21

No Doono Yesuus Kiristoosi bi ariqqoona bulli yemeenee kashoon ittoshich bi immemmi aaboon quyebee, Yeeri ittoshin shunniibeeto bi tunoon shalligibee beebote.