Luqaasi 16:3 - Kafa Linguistics Project

³ “Gijje yesho mooyon gabiibee ‘Ta doono hini shuunoochee taan kichiyane bi ii beeto. Ebich illa aabichishiye ta gettemmo? Gochii mamoyich giidoo taach aalle; guuddiꞌi qollee mamo wotta taach yeelloone’ iꞌi yiijjiibee heechiꞌi tiyii

Luqaasi 16:3 ပူးပေါင်းရင်းမြစ်များ

Asteeri 6:6

Hamaani giyimmona, taatoo biich ishichiye: “Taatoo oogiiya oogichiꞌi bi qaawiti ashich, amo tuneba?” iꞌi echehe. Hamaaniyoo bi mulloona “Taatoo tayee besh bi oogiyemmi asho, koni beete?” iꞌi gabiye.

Shaahiyoo 13:4

Yeexeroo oogichii bi qaatitaa, amoonolla daneyaache; tunebaani kupphee shuuneebeeto michiye.

Shaahiyoo 15:19

Yeexere ashi gommo angixona uxereetone; tunebaani kaameenaꞌochi gommo naqqoone.

Shaahiyoo 18:9

Shuunoo shuunoon taahiibeeti asho, aalliyechochi manoone.

Shaahiyoo 19:15

Yeexerittino magge tokketoon deebiye; yeexere ashoo shaacemmone.

Shaahiyoo 20:4

Yeexere asho gooroona goyaache; qecci goorooch, bi qeccemmon daneyaache.

Shaahiyoo 29:21

Bi maddechon bi bushittinoochee tiijjii yaanii dichiibeeto, gubbich bi toommooch doonjiniye bi beeto.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Hosee'i 9:5

Boonoshi nati baarooba, Doono Yeerichi baarooba boonoshi tuniyemmo amooniye?

Maatiyoosi 20:8

“Showoo xumetaa woyinee doono bi ukkiriiton ‘Shuunechinaꞌon ceegiree ciirooch waatinaꞌoochee tiijjiree shiichii waatinaꞌooch beddaahaa boonoshi shumaayoon imbe’ iye.

Maariqoosi 10:46

Ebiyee gubb, Yesuusinaa bi dabbeenaꞌona Yaariki katemooch shaggiyeete. Wotta boonoshi dofee asheenaꞌona tookkii Yaariki katemoochee kechii boonoshi beetaa, Xemeyoosichi bushoo aaf dooge Barixemeyoosi, gijjoon qolleebee gommi gashooch kotee beehe.

Luqaasi 12:17

Bi shagaa, biyoo ‘Hini ta maayoon ta geddemmi gotoo bedaache; ebich aabichibote?’ iꞌi woddoo gaabbiibee,

Luqaasi 16:2

Hini are gaannechi uroo are gijje yeshoon ceekkiiꞌi, ‘Hini ta waayaabeeti ne mooyo amoone? Giyii kechiibeeti ta gijjoon ne kooriti mazgaboon taach imbe; illa ebiyee bekk ta gijje yesho tunoon hakkaachine’ iye.

Luqaasi 16:20

Arooba bi ashittinoon mayo bajjii deqqiti ikke Alazaari getteebeeti girechi uroon are gaannechochi kellooch asheenaꞌo deebii qeejjii beeheete.

Luqaasi 16:22

“Ebiyee gubb, are girecho qitiye; maraakeenaꞌo deenniꞌi Abrahamichi sheenooch daammii kotiiheete. Gaannecho wotta qitiꞌi duukkehe.

Luqaasi 16:4

‘Ahaa! Gaawiye; ta shuunoochee yookkaa ta getigaata, asheenaꞌo boonoshi kexooch taan boonoshi giddiyemmi gommon ariito taane’ iye.

Luqaasi 18:4

“Tunetaa hini are nallechi uro meeti aaboon deꞌa gettemmon qajjiye. Tunebaani ciiroochaa bi mulloona ‘Yeerin shatonaa ashich yeelloonon ta qajjetaanona,

Yowannisi 9:8

Arooba bi giyeenaꞌonaa aaf gommooch koteꞌi bi qollee beetaa beeggitinaꞌona “Hini uro gommooch koteꞌi gijjoon qolleebeeti uro toone?” iyeete.

Mishiraachechinaꞌo 3:2

Arooba bi indee maacoochee baata yesho tunee shiijjeti ikke uro Gaawe Kelloo getteebeeti yaafee kechi kellooch koteꞌi beehe. Yaafee kexooch giyiibeeti asheenaꞌo waanee gijjoon bi qollemmoyich, asheenaꞌo shaaggii deebiꞌi qemi qemona arooch kotii beeheete.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

2 Tasaloonqi 3:11

Ishichaa no iti naboo, ittoshi daggooch ikkikke shuuna biisheenaꞌo beemon no waayetoyichiye; eboshi boonoshin gedaani mooyooch giyiibee baad cikkii guuddii beetinaꞌone.