Luqaasi 16:26 - Kafa Linguistics Project

²⁶ Wotta ebi bulli toommooch hiniichee ittoshi waan kimon qaawemmo beegaata bi kimaachemmoyich, wotta ittoshi beetoocheenoo hach no waan koniyoona bi kimaachemmoyich, noonnaa ittoshina gutte daggooch Yeeri neechiti ooge qaaꞌo beetone’ iye.

Luqaasi 16:26 ပူးပေါင်းရင်းမြစ်များ

Shoddo 49:14

Bagoochoommon qitemminaꞌone; qiddoo quyoommon qitoo boonoshin quyemmone; okk hach getaanoon maash hammemminaꞌone; boonoshi ashittino oogee xaaꞌoochee daamaa, oppoochaa oqqemmone.

Shoddo 50:22

“Ebich Yeerin batteebeeti ittoshi bulli ebin shalligibote; ebi tuno qayigaata, ittoshin aalliyemmo taane; ittoshin wodiyemmo aalloone.

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Luqaasi 12:59

Illa neech gettoye, ciireexi ikke duudenolla ne qoccemmi wottoon aroochee ciroona keyaachemmo neene” iye.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Luqaasi 16:27

“Biyoo ‘Ishigaata, ta nihoocho, Alazaarin ta nihoo kexooch ne daachiyemmoyich neen qollehoye;

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yaaꞌoo 20:10

Boonoshin muriciiti daabiloosiyoo, cooxonaa koote keemechona duppeti, qaaqqoonaa waageroona micciibeeti baharooch duppehe; bulli yemeenoon areddoonaa xumoonon xuuxemminaꞌone.

Yaaꞌoo 22:11

Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.