Luqaasi 16:19 - Kafa Linguistics Project

¹⁹ Yesuusi daakkiꞌi ishichiye: “Damere iddimoonaa muttee tuppoochee cicii yokketaa shippeti tahoonon taheebeeti ikke gaannechi uro beehe. Are uro beemo biich mashaamitoyich, qemi qemona bi gaawe beemona emiriibee beehe.

Luqaasi 16:19 ပူးပေါင်းရင်းမြစ်များ

Asteeri 8:15

Mordokiyoosi shimaayitoonaa naccoonon tuneti taatee kechi tahoon taheꞌi, muttee tuppoochee shippeti damere iddimoon bi toommooch geddiꞌi, bi shimboochoo oogeti aachee gubbichoon ukeꞌi, taatoo aafoochee kechiye. Suusi katemeexi asheenaꞌo emiroona ililiyeete.

Shaahiyoo 14:24

Mullechinaꞌoyich gubbichoo, boonoshi gaannoone; tunebaani tuusheenaꞌo boonoshi tuushoona aricheheete.

Shaahiyoo 31:22

Bi qeenooch yaggeyemmi tahoon shuunahan; muttee tuppoochee ciciitaa yokkeeti, damere tahoon tahahan.

Isiyaasi 3:23

heeraawoon, muttee tuppoochee shippeti tahoon, qelli caacoon, aafee qeroonoo tiijji daammemmone.

Hiziqeeli 16:13

Aachoonaa birewoonon geddaꞌa shasheti neene; muttee tuppoochee shippeti gaawe taho, shashe qamisoonaa aaxxe tahoona neech beetone; ne maayo gaawe buddino, eeyonaa zayitoonane. Newoo beshoon mallet gaawee tunaꞌa diccehine; taatee tunoyichoo beddehine.

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 27:7

Ne markabeechi sharo, baanderoochoommon wohoochaa bi bekkemmoyich, shashiitaa bi toommooch shippeti Gibitsee waati muttee tuppoochee shippeti qoreddoochee shuuneetone; ne maccillaateenaꞌo Elishee buure showeexi dameroonaa shimaayitoona tuneti qoreddoochee shuuneetinaꞌone.

Maariqoosi 15:17

Yesuusich damere tahoon tajjiyeete; taatee malletoon tuneti gubbichoon angixoochee gengiꞌinoo bi qellooch ukiiheete.

Maariqoosi 15:20

Eechiꞌi boonoshi coonetoyee gubb, boonoshi tajjiti damere tahoon shoottiichii, biichon tajjiꞌi yoodoyich daammiyeete.

Luqaasi 15:13

“Giisheche qemoyee gubb are guuche bushoo bi gijjoo bullin kicii yechiꞌi wohi showooch hammiye; aroochaanoo bi mullo gabito bulliich bi gijjoon kichiibee shacciꞌi aalliihe.

Luqaasi 16:1

Yesuusi daakkiꞌi bi dabbeenaꞌoyich ishichiye: “Ikke gaannechi uro beehe; biichoo ikke gijje yesho beehe. Ikkikke asheenaꞌo are gaannechi uro waan waaꞌi, ‘Hini ne gijje yeshe uro ne gijjoon shaccii beetone’ iꞌi gettiyeete.

Luqaasi 16:18

“Wotta bi mecheen gawukkiꞌi bareen shaaggiibeeto bulli, shunoon maatone; bi keno waanee gawukkeetin shaaggiibeeto shunoon maatone” iye.

Luqaasi 16:20

Arooba bi ashittinoon mayo bajjii deqqiti ikke Alazaari getteebeeti girechi uroon are gaannechochi kellooch asheenaꞌo deebii qeejjii beeheete.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.

Woraaferasheenaꞌo 8:26

Geediyooni echetaa biich icheti aachee koliboo humaa shabaatte balle sheqeelee aachoone. Ebiyoo baribare qiiceenaꞌon, qetteexi aachoon, Miidiyamee taateenaꞌo taheebeeti damere tahoonaa boonoshi gaaleenaꞌo qettooch boonoshi tippiibeeti shashoonon gedaanooniye.