Luqaasi 16:15 - Kafa Linguistics Project

¹⁵ Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Luqaasi 16:15 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

2 Kiinoo 6:30

ne beeyi xaaꞌoo tuneti shimaayoochaa waayebe; maarishoo gete; ashi mulloon ariyaabeeto ne baach ne tunetoyich, bi mulloon ne ariyaabeeti ashich bi shuuni shuunoommon qoce!

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 49:13

Ebi boonoshi qelloon gibeneebeeti tuusheenaꞌonaa boonoshi yibbaatoon waayeebeeti asheenaꞌonochi ixee qoodoone.

Shoddo 49:18

Bi kashee yemeenooch emiroona bi beetaa, mooyo biich kaametoyich bi galleteetaa,

Shoddo 7:9

Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Shaahiyoo 20:6

Meeti asheenaꞌo shoodechinaꞌo boonoshi tunoon yibbaateheete; tunebaani ebiyoommi gibeneeti ashoon koni danoon hakkehe?

Shaahiyoo 21:2

Ashich bi gommo bulli kaamoo shaahii bekkehe; tunebaani Doono Yeeri mulloon maqqiye.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 6:2

“Ebich iriteeti ashich ne immaa beegaata, boonoshi maacoon xalloo shaahii beetinaꞌon shaahiyaahine. Boonoshiyoo ashi waanee galletee danoyich Ayihudeenaꞌo kiceebeeti kexonaa gommonoochaa iriteetinaꞌoyich immii beetinaꞌone. Iberoon ittoshich gettoye: Areenaꞌo ashi waanee galletoon danetinaꞌone; Yeer waanee amoonolla daneyaachemminaꞌone.

Maatiyoosi 6:5

“Ittoshi corootii beegaata, boonoshi maacoon xalloo shaahiibeeti asheenaꞌochoommon tuneyaahote. Boonoshiyoo ‘Asheenaꞌo noon beegeete’ iꞌi Ayihudeenaꞌo kiceebeeti kexonaa gommi keejje kaattoonooch neexeechii corootoon shunnii beetinaꞌone. Iberoon ittoshich gettoye: Areenaꞌo boonoshi shuunoon deqqitinaꞌone.

Luqaasi 10:29

Are uroo bi qelloon deꞌo tuniiya qaawiꞌi Yesuusin “Ta manochi konine?” iꞌi echehe.

Luqaasi 11:39

Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Luqaasi 18:11

Hini are Farisoo yaafee kexooch neexeechii ishichiꞌi bi mulloona corootiye: ‘Yeero, bare asho bullichoommon, boggecho, xumme moochechonaa shunimaayoona woyee hini gabiyee guudoommonolla tuno ta qajjetoyich, neen galletehoye.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Luqaasi 18:21

Uroo wochiꞌi, “Ta bushittinoochee tiijjaꞌa ebiich ta beddemmi wottoon ebi bullin ceechito taane” iye.

Luqaasi 18:9

Wotta daakkiꞌi Yesuusi “Cadiqo noone” iꞌi boonoshi qelloon gibeneechii bareenaꞌon hoxee beetinaꞌoyich ishichiꞌi hini shaahiyoon gettiye:

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Luqaasi 20:47

Boonoshiyoo wotta xuume maacheenaꞌo kexon tiichiibee, cadiqo shaahi bekkeya iꞌi corootoon geechii genjii beetinaꞌone. Eboshi toommooch Yeeri beshe shattii giiriiti nalloon kindiyemmone” iye.

Yowannisi 2:25

Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Mishiraachechinaꞌo 1:18

Hini are uro bi daneti axaaxee gijjoona showoo kemeehe. Biyoo baroona guufeꞌi gutta gaahehe; bi maacee meenoo shekirehe.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 15:8

Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 8:27

Yeerichi daaggoommon, Yeerich yaafeeti asheenaꞌochi qoodoon bi qollee beetoyich, ashi mulleexi gaboon maqqiꞌi ariibeeti Yeeri bi Ayaanee gaboo amo gaata arii beetone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.