Luqaasi 16:13 - Kafa Linguistics Project

¹³ “Wotta gutte doonoyich hajjeyoon hakkemmi aafee bushoo aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache” iye.

Luqaasi 16:13 ပူးပေါင်းရင်းမြစ်များ

Maatiyoosi 4:10

Arooba Yesuusi daabiloosin “Hini Sheexaanoocho! Ta aafoochee wohe! ‘Doono Yeerich goyinnebe; biich baach maddebe’ getaa Yaafe Macaafooch kooreetone” iye.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Luqaasi 11:23

“Taanna tookkii neexeyaano taan shixxii beetone; taanna tookkiinoo kicaano shaccii beetone” iye.

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

Luqaasi 16:12

Bare ashi gijjoona ittoshi gibeneyaanee gaata, ittoshich tunemmi wojjoon konine ittoshich immemmo?

Luqaasi 16:9

Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

Luqaasi 9:50

Tunebaani Yesuusi wochiꞌi “Ittoshin mooyona koyaano ittoshi guuphone; ebich bajjaahote” iye.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.