Luqaasi 15:28 - Kafa Linguistics Project

²⁸ “Arooba qaabbe bushoo kaareꞌi ‘Kexooch giyaache’ iꞌi qajjiye. Ebich bi nihoo maaxooch kechiꞌi, ‘Hach kexooch gibe’ iꞌi qollehe.

Luqaasi 15:28 ပူးပေါင်းရင်းမြစ်များ

Isiyaasi 65:5

Boonoshiyoo bareenaꞌon, ‘No, yaafoo no tunetoyich, no waan giddeyaahote’ ii beetinaꞌone. Eboshi ta muddooch cufoomminaꞌone; heeyo bullin aaxxeebeeti qaaqqoomminaꞌone.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 35:16

Rekaabichi bushoo Yonadaabichi yareenaꞌo boonoshi qaabbecho boonoshich gettiton ceechitinaꞌone; tunebaani hini asheenaꞌo taach deꞌa getaaneenaꞌone.

Yoonaasi 4:9

Tunebaani Yeeri Yoonaasich, “Ebi botoyich kaar beddenne?” iye. Biyoo “Iberoon qitooch beddaahaa kaar beddoye” iye.

Maatiyoosi 20:11

Boonoshi deqqitoyee gubb ‘Hini gubb waatinaꞌo ikke saato baach shuuneheete; no heeyi xumoon aabee sheelloona miccaabee maraataa heecheti noonna deebaa tachinne?’ iꞌi woyinee doono toommooch guruuxeeheete.

Maariqoosi 1:40

Ebichi hillooch qeddee shaddee biiyechi uro Yesuus waan waa guteneꞌi, “Ne daaggigaata, taan wodiyoon hakkihine” iꞌi qollehe.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 15:2

Arooba Fariseenaꞌonaa Muusichi Sheeree dojjechinaꞌona “Hini uro axaaxechinaꞌon bi waan katichii beete; boonoshina tookkiinoo maabeete” iꞌi boonoshinaa boonoshina guruuxeeheete.

Luqaasi 15:27

Biyoo wochiꞌi, ‘Wonna hammiti ne manoo wottee bi waatoyichiye. Ne aabbiyoo diggoona bi waataa bi beeggitoyich, emiriꞌi awujjiti gubbenoon bashiitone’ iye.

Luqaasi 15:29

Tunebaani qaabbe bushoo wochiꞌi bi nihoon ‘Eke ebi shaahe meeti naton neech guunochoommon hajjeeꞌa shuuneto taane. Ne gettetoochee ikkoonolla shappayaano taane; tunebaani ta shunechinaꞌona tookki ta emiremmoyich ikke emmishee bushoonolla taach imaano neene.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Luqaasi 5:30

Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.

Luqaasi 7:39

Yesuusin ataalliti Farisoo ebin beeggiꞌi, bi mulloona “Hini keemecho bi gaata, hini bi baatoon yechaabeeti ure koni bi gaata, bi shuunoo amoommo gaata ariyeshone; biyoo axaaxechine” iꞌi gabiye.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Roomi 10:19

Daakkaꞌa wotta, “Israꞌeeleenaꞌo ariyaaneenaꞌone?” iyo. Muusi shiichiꞌi, “Yeeri ‘Hoxeeti aageteenaꞌona ittoshin qanaatiyemmo taane; shalligaani aageteenaꞌonoo ittoshin ippiyemmo taane’ itone” iye.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

1 Saameeli 17:28

Qaabbe bi manoo Eliyaabi Daawiti asheenaꞌona tookkii bi yibbaatee beetaa waayehe. Biyoo oogeton kaareꞌi, “Aakkiya hiniich waanne? Are giisheche bageenaꞌon barahooch konich duppaachaa waanne? Geecechonaa gonde mullechona ne tunoon ariibeeto taane. Ginee koyoon beeggane ne waato” iye.

1 Saameeli 18:8

Ebi mooyo Saaꞌoolin emirikkaanoone. Saaꞌooli oogeton ippehe. Biyoo “Daawitich aashire humoon immiyeete; tunebaani taach humoon baach immiyeete. Illa ta taatittinoyee besh biich echeto amoone?” iye.