Luqaasi 15:18 - Kafa Linguistics Project

¹⁸ Illa tiyi ta nihoo waan hamiree, “Ta nihoocho, Yeerinaa neennon xuqqeto taane;

Luqaasi 15:18 ပူးပေါင်းရင်းမြစ်များ

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

Shoddo 25:11

Doono Yeero, ta axaaxoo woddoo bi tunetoyich, ne shigoyicha getiree taan maaribe.

Shaahiyoo 23:13

Kaccoona ne yexigaata qitaachemmo bi tunetoyich, bushoon sheeroo taahiyaahine.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Shoosho 3:29

Diqqich gibeno biich beeyemmo bi tunetoyich, bi qelloon yittii hajjeebe.

Shoosho 3:40

No gommon huushi boshebone; Doono Yeer waan wottebone.

Daaneeli 4:26

Maraakoo michi xugo showooch bi beeyemmoyich bi geto, hini showoo bullin qeejjiibeeto, shimaayooch beeti Nuggishoo bi tunoon ne ariitoyee gubb, ne taatittino neech wottemmo bi tunooniye bi bekkiibeeto.

Yoonaasi 2:4

Tawoo ‘Ne aafoochee yoohaa aalleto taane; tunebaani yaafoo tuneti ne yaafee kexon, wochinnoon beeggemmo taane’ iyoye.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Maatiyoosi 3:6

Boonoshi axaaxoon boonoshi aannaa, Yoordaanoosi aacoochaa boonoshin Yowannisi afaallii beehe.

Maatiyoosi 6:14

“Ebiyoommon asheenaꞌochi xuꞌoon ittoshi maarigaata, shimaayeexi ittoshi Nihoo Yeeri ittoshi gondoon maaremmone.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Maatiyoosi 7:11

Gondo ittoshi tunetaanoona ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich deꞌe mooyon am shaahoon beshaa beshiiree immehe!

Luqaasi 11:2

Ebich Yesuusi boonoshich ishichiye: “Ittoshi ishichi corootibote: ‘[Shimaayooch beeti] no Nihoocho! Yaafe ne shigo oogebe! Ne taatittino bulli toommooch bede!

Luqaasi 15:17

“Batt ciiroochaa bi mullo yeshaa, ishichiye: ‘Ambiche ta nihoochi gichechinaꞌo maa michiꞌi boonoshi wochiibeeti maayo beetaa, amoyichiye ta hiniich kotaachaa shaacoona qitaa gittaꞌa ta beeto!

Luqaasi 15:19

gubbichoo ne bushoo getteya bedaache; ne gichechinaꞌo daggoochee ikkoommon taan tuniiree ciine” gettehoye’ iye.

Luqaasi 15:21

“Bushoo ‘Ta nihoocho, Yeerinoo neenoo xuqqeto taane; gubbichoo ne bushoo getteya bedaache’ iye.

Luqaasi 18:13

“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.