Luqaasi 15:10 - Kafa Linguistics Project

¹⁰ Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Luqaasi 15:10 ပူးပေါင်းရင်းမြစ်များ

Hiziqeeli 18:23

Axaaxechi ashi qitoona emirehote? Ta emiroo asho bi gondoochee wotteꞌi kashoona bi beemona toone? iye Nuggishoo Doono Yeeri.

Hiziqeeli 18:32

Ta, konichi qitoonolla emiraano taane; ebich ittoshi axaaxoochee wotteree kashoona beebote” iye Nuggishoo Doono Yeeri.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Maatiyoosi 10:32

“Ashi aafoochaa taacho bi tunoon miixeebeeto bullich ta wotta shimaayooch beeti ta Nihoo aafoochaa taachone getiree miixemmo taane.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:14

Ebiyoommon hini gishiisheenaꞌoochee ikkolla bi aallemmoyich shimaayooch beeti ittoshi Nihoochi daaggoo toonoone” iye.

Luqaasi 12:8

“Ittoshich gettoye: Ashi aafoochaa taacho bi tunoon miixeebeeto bullich, Ashi Bushoo wotta Yeerichi maraakeenaꞌo aafoochaa taachone getiree miixemmone.

Luqaasi 12:9

Ashi aafoochaa taacho bi tunoon nookkee beeto, Yeerichi maraakeenaꞌo aafoochaa nookkeyemmone.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Luqaasi 15:11

Wotta Yesuusi ishichiye: “Ikke uroyich gutte bushiisheenaꞌo beeheete.

Luqaasi 15:7

Ittoshich gettoye: Ebiyoommon axaaxee gommoochee Yeer waan wotto boonoshich qaawiyaani yixenaa yiixiye cadiqeenaꞌoyee, axaaxee gommoochee Yeer waan wotteebeeti ikke axaaxechochi naboona shimaayoochaa emiroo tunemmone” iye.

Luqaasi 15:9

Bi danegaata, bi shunechinaꞌonaa bi giyeenaꞌonon ikkooch ceegiree, ‘Aalleti ta shilinkoon daneti taane; ebich taanna tookki emiribote’ gettemmine.

Luqaasi 7:47

Ebich neech gettoye: Ceeni bi mulloona taan shunnetine; ebina bi toommooch beeti meeti axaaxoyich maaroon danetine; tunebaani giisheche axaaxoyich maaroon daneti asho giishechooniye bi shunniibeeto” iye.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

2 Qorontoosi 7:10

Yeerichi daaggoommon tuneebeeti ayinoo axaaxee gommoochee Yeer waan wochoona wodooch shakkii beetone. Ebich “Aakkiya ebin tuniitote?” getteyaache. Tunebaani hini alemeexi ashi ayinoo qitooch shakkii beetone.

Filimooni 1:15

Anaasimoosi giisheche aaboyich ne waanee bi barito, diqqich bulli yemeenoon neenna tookki bi beeyemmoyich tunemmone.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?