Luqaasi 14:23 - Kafa Linguistics Project

²³ “Ebich doono bi wochee bushoon ‘Ta kexooch asho ceennemmoyich hini katemoochee maach keyiree gommonaa uxeree gashoonoochee qaawi manjii getiree deebe.

Luqaasi 14:23 ပူးပေါင်းရင်းမြစ်များ

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 98:3

Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 27:13

Arooba, ooge shameto hukkemmone; Asooree showooch aallee hammitinaꞌo, Gibitsee showooch kecaa hammitinaꞌoo wottemminaꞌone; yaafeeti guudo Yerusaalemaa Doono Yeerich goyinnemminaꞌone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 21:43

“Ebich ittoshich gettoye: Yeerichi taatittine ittoshi kishoochee tiijjaa bi aafoon aafeebeeti maccoyich icheyemmine.

Maatiyoosi 5:41

Wotta ginechinaꞌo daggoochee ikkoo ‘Ikke kiilo meetiree wottoon ta qiicoon shaage’ iꞌi neen bi yeshigaata, hachee ikkoon daakkiree hambe.

Luqaasi 14:22

“Are wochee bushoo bi wocheetooch hammii shaggii wotteꞌi, ‘Ta doonocho, ne wocho bullin ceechito taane; tunebaani batt kexooch ceenaan beetinaꞌone’ iye.

Luqaasi 14:24

Ittoshich gettoye: Batti batt ataalleeti asheenaꞌoochee ikkolla ta gifiree maayoochee mamo qayaa, nappheree beegaachemmone’ iꞌi gettiye” iye.

Luqaasi 24:29

“Noonna tookkiree qebe; showoo beshee, xumetone” iꞌi manjii ataalliyeete. Ebich boonoshina tookkii qeya giyiye.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 10:18

Tunebaani “Wochoon waayeyaaneenaꞌone?” iyo. Waayetinaꞌone. Yaafe Macaafooch bi kooreetoommon, “Wocheyechinaꞌochi qaaro, alemo bullich waayeehe; boonoshi gettiti qaaro, showee tuggooch beddaahaa shaggiye.”

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.