Luqaasi 14:21 - Kafa Linguistics Project

²¹ “Ebich are wochee bushoo kexooch wottee hammiꞌi ebi bullin bi doonoyich gettiye. Arooba kechi doono kaareꞌi tiyii, wochee bushoon ‘Wochinnoon kaateree katemee daggeexi keejje kaattoonaa gommo bullinooch keyiree girechinaꞌon, kisha kuxeenaꞌonaa baata kuxeenaꞌonon, aaf doogeenaꞌonaa baata yesheenaꞌonon ataalliree hach deebe’ iꞌi daachiihe.

Luqaasi 14:21 ပူးပေါင်းရင်းမြစ်များ

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 38:7

Ta shimetoo qaaqqoo gaamoommon gaamitone; ta achooch iiwoo aalloone.

Isiyaasi 33:23

No etteenaꞌochi markabee wodereenaꞌo muriccitinaꞌone; giimbeenaꞌoo manjaaneenaꞌone; toommooch beeti sharo yaggeyaanoone. Boonoshi gaanno bullin boggemmo noone; baata sheqqooch beddaahaa hohi daammemmone.

Isiyaasi 35:6

Baata tiisheenaꞌo xiixxechoommon capphemminaꞌone; dudoochi heciyoo emiroona shoddemmone; aaco barahoochee kechemmone; aachi xuupho barahoochee xuupphemmone.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Zakaariyaasi 11:11

Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.

Zakaariyaasi 11:7

Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 15:12

Arooba bi dabbeenaꞌo Yesuus waan giddeꞌi, “Fariseenaꞌoyich hini boonoshi waayeti qaaro xugo bi tunoon ariitine?” iyeete.

Maatiyoosi 18:31

Taatochi bare guuninaꞌo bi shuuneton beeggiꞌi oogichii ayiniyeete; hammiꞌi tuneti mooyo bullin taatoyich gettiyeete.

Maatiyoosi 20:7

“Boonoshiyoo wochiꞌi, ‘Noon shuuniyemmon muccaꞌaaniye no neexaabeeto’ iyeete. “Biyoo ‘Ishigaata, ittoshiyoo wotta ta woyinee goyee xaaꞌooch hamiree shuunebote’ iye.

Luqaasi 14:13

Tunebaani gifiree maayoon ne qanniihooba, girechinaꞌon, kisha kuxeenaꞌonaa baata kuxeenaꞌonon, baata yesheenaꞌonaa aaf doogeenaꞌonon ataallibe.

Luqaasi 14:20

“Baroo wotta ‘Mecheen shaaggeto taane; woꞌee ikkeetin duppaachaa hamon hakkaache’ iye.

Luqaasi 14:22

“Are wochee bushoo bi wocheetooch hammii shaggii wotteꞌi, ‘Ta doonocho, ne wocho bullin ceechito taane; tunebaani batt kexooch ceenaan beetinaꞌone’ iye.

Luqaasi 14:24

Ittoshich gettoye: Batti batt ataalleeti asheenaꞌoochee ikkolla ta gifiree maayoochee mamo qayaa, nappheree beegaachemmone’ iꞌi gettiye” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Luqaasi 9:10

Aroyee gubb wotta mishiraachechinaꞌo boonoshi hammitoochee wotteꞌi boonoshi shuuneti mooyo bullin Yesuusich gettiyeete. Boonoshin baach dabbiiꞌi Beetisayidi getteebeeti katemee gaꞌooch hammiye.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.

1 Saameeli 25:12

Ebina Daawiti asheenaꞌo boonoshi hilla wotteꞌi, Naabaali gettito bullin biich gettiyeete.