Luqaasi 14:13 - Kafa Linguistics Project

¹³ Tunebaani gifiree maayoon ne qanniihooba, girechinaꞌon, kisha kuxeenaꞌonaa baata kuxeenaꞌonon, baata yesheenaꞌonaa aaf doogeenaꞌonon ataallibe.

Luqaasi 14:13 ပူးပေါင်းရင်းမြစ်များ

2 Saameeli 6:19

Biyoo asheenaꞌo bullich, eboshiyoo dofee Israꞌeeleenaꞌo bullich, anaaminaꞌonaa maacheenaꞌonoyich, boonoshi ikkikkoona ikke koshon, boonoshi qoodee meenonaa ikke nuuphi woyinee aafoonon immiye. Aroochee asheenaꞌo boonoshi kexooch wotteheete.

2 Kiinoo 30:24

Yihudee taatoo Hiziqiyaasi hume wuronaa shabaatte hume bagoonon iitoyich immiye. Iraasheenaꞌoo ebiyoommon hume wuronaa aashire hume bagoonon immiyeete; meeti qeesheenaꞌo boonoshi qelloon yaafiyeete.

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Nehimi 8:12

Aroochee asheenaꞌo bulli, getteeti qaaro boonoshich bi giyitoyich, maa ucha, boonoshich aalleenaꞌoyich boonoshi maayoochee qoodiree daachiya, emirikkiti ooge baaroonoo baariya hammiyeete.

Iyoobi 29:13

Qitiya iti asheenaꞌo boonoshin ta gaachetoyich, taan diiritinaꞌone; xuumeenaꞌo emiroona boonoshi shoddemmoyich tuniito taane.

Shaahiyoo 14:31

Girechon xuuxiibeeto biin Halliton hoxehe; tunebaani girechoyich ariqqeebeeto biin Halliton oogiihe.

Shaahiyoo 22:9

Bi maayoochee girechoyich bi qooditoyich, wojjechi asho diireyemmone.

Isiyaasi 58:10

shaacetinaꞌoyich ittoshi maayoochee ittoshi qoodigaata, duꞌetinaꞌochi qaatoon ittoshi ceechigaata, ittoshi bekko manderoochaa aaxxemmone; ittoshi manderoo areddee aaboommon tunemmone.

Isiyaasi 58:7

Ittoshi maayoon shaacetinaꞌona tookki ittoshi qoodeyemmoyich, kechaalli girechinaꞌon ittoshi kexooch ittoshi deebemmoyich, tubbeton ittoshi beegiyooba ittoshi tajjemmoyich, ittoshi meechi xibeenaꞌoyich ittoshi aasheyaachemmoyich toone?

Maatiyoosi 15:30

Dofee asheenaꞌo baata yesheenaꞌon, dureenaꞌon, aaf doogeenaꞌon, noona miimeenaꞌon, meeti biiyechi bareenaꞌonoo bi waan deebiyeete; Yesuusichi baatooch kotiiheete; biyoo boonoshin wodiihe.

Maatiyoosi 22:10

Ebina are wocheyechinaꞌo gommooch kechiꞌi boonoshi daneto bullin, gondeenaꞌonoo, deꞌeenaꞌonoo kiciyeete; gaaree kexooch gaarechinaꞌo ceenniyeete.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 14:12

Aree hillooch Yesuusi gifiroon ataalliti uroon wotta ishichiye: “Areddoonoo tuneba xumoon, gifiree maayoon ne qanniihooba, boonoshi wotta diqqich ataalliree keroon neech boonoshi wochaachemmoyich, ne shunechinaꞌonaa ne maneenaꞌonon, ne xibeenaꞌonaa gaannechi ne giyeenaꞌonon ataalliyaahine.

Luqaasi 14:14

Eboshi aree keroon wochoo hakkaaneenaꞌo boonoshi tunetoyich, Yeeri neen diiremmone; wotta cadiqeenaꞌo qitoochee boonoshi tiyiyooba, Yeeri neech ebichi keroon wochemmone” iye.

Luqaasi 14:21

“Ebich are wochee bushoo kexooch wottee hammiꞌi ebi bullin bi doonoyich gettiye. Arooba kechi doono kaareꞌi tiyii, wochee bushoon ‘Wochinnoon kaateree katemee daggeexi keejje kaattoonaa gommo bullinooch keyiree girechinaꞌon, kisha kuxeenaꞌonaa baata kuxeenaꞌonon, aaf doogeenaꞌonaa baata yesheenaꞌonon ataalliree hach deebe’ iꞌi daachiihe.

Mishiraachechinaꞌo 9:39

Bekkech Pheexiroosi tiyiꞌi, boonoshina tookkii waahe. Waa bi shaggimmona, asheenaꞌo kechi toommeexi kexooch biin daammiyeete. Xuume maacheenaꞌo bulli eefeebee, Doriqi kashoona beebee boonoshich bi shuuneti qamisoonaa bare tahoonon kichiꞌi yaachii Pheexiroosich bekkiibee bi guudoona neexeheete.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:14

Ebi baaroona ne, ne anaami bushiishoonaa ne maache bushiishoona, ne guuninaꞌonaa ne gonneenaꞌona, Lewee asheenaꞌonaa shiqqeenaꞌona, nihaalleenaꞌonaa ne beeti katemeexi xuumeenaꞌona emiribote.

1 Ximootiyoosi 3:2

Illa kittinnee guuphon yaabii qeejjiibeeti geeno tunemmi asho, gonde mooyona oonneyaano, ikke mechecho, dagg tato, bi qelloon quyecho, gaawe shuriyecho, iibboon iibbiibeeto, Yeerichi qaaroon dojjoon hakkito,

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

Filimooni 1:7

Ta manoocho, yaafeenaꞌo mulloon ne kashiitoyich, ebi ne shunoona oogichaa emirito taane; oogetonoo goggeto taane.

Hibireena'o 13:2

Iibbeenaꞌon iibbiyoon batteyaahote; ikkikkeenaꞌo ariyaanoon eechii iibbiibee Yeerichi maraakeenaꞌon iibbiitinaꞌo beetinaꞌone.