Luqaasi 14:11 - Kafa Linguistics Project

¹¹ Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Luqaasi 14:11 ပူးပေါင်းရင်းမြစ်များ

2 Saameeli 22:28

Xukketinaꞌon wodiihine; tunebaani geecechinaꞌon giishiihine.

Asteeri 6:10

Aroochee taatoo Hamaanich ishichiye: “Kaate hamiree, taatee tahoonaa hareshoonon deebe. Taatee kechi uxeree kellooch koteꞌi beeti Ayihudo Mordokiyoosich, ebi ne gettetoommon tuniibe; ebi ne gettetoochee ikke mooyonona shappiiyaahine” iye.

Iyoobi 22:29

Asheenaꞌo giishetaa, ‘Boonoshin oogiibe’ ne getaa, Yeeri giishetinaꞌon wodiyemmone.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shaahiyoo 15:33

Doono Yeerin shato, shalligoon doyoone; qelloon giishiyoo, oogoyee shiichoone.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Shaahiyoo 25:27

Wodde eeyon mamo gaaweyaache; ebiyoommon wotta oogee qaawoo oogiyaache.

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 2:17

Ashi coodo kindemmone; asheenaꞌochi geecoo giishemmone. Arooba Doono Yeeri baach oogemmone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Maatiyoosi 23:12

Bi qelloon oogiimmo bulli giishemmone; bi qelloon giishiimmo bulli oogemmone” iye.

Luqaasi 1:51

Bi kishoona giidechi shuunoon shuunetone; geecechinaꞌon boonoshi mullee gaboona shaccitone;

Luqaasi 1:52

giidechi taateenaꞌon boonoshi taatee qeenoochee kindiitone; boonoshi qelloon giishii beetinaꞌonoo oogiitone.

Luqaasi 14:12

Aree hillooch Yesuusi gifiroon ataalliti uroon wotta ishichiye: “Areddoonoo tuneba xumoon, gifiree maayoon ne qanniihooba, boonoshi wotta diqqich ataalliree keroon neech boonoshi wochaachemmoyich, ne shunechinaꞌonaa ne maneenaꞌonon, ne xibeenaꞌonaa gaannechi ne giyeenaꞌonon ataalliyaahine.

Luqaasi 18:14

“Ittoshich gettoye: Farisoyee hini gabiyee guudo Yeeri aafoochaa cadiqo tuneꞌi bi kexooch wottehe. Bi qelloon oogiibeeto bulli giishemmone; bi qelloon giishiibeeto bulli oogemmone” iye.

Yaaqobi 1:9

Girecho tuneti kittinnoo bi oogoona,

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

1 Pheexiroosi 5:6

Illa Yeeri bi daaggiti aabooba ittoshin bi oogiyemmoyich, Beshe Mawe Yeeri aafooch ittoshi qelloon giishiibote.

1 Saameeli 15:17

Saameeliyoo ishichiye: “Ne qelloon wochaꞌa ne qallayitaanona, Israꞌeelee yoodeenaꞌo toommooch iraashoo tuneto neene. Doono Yeeri Israꞌeelee taatoo ne tunemmoyich neen huuttitone.