Luqaasi 13:34 - Kafa Linguistics Project

³⁴ “Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 13:34 ပူးပေါင်းရင်းမြစ်များ

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 17:8

Ne aafee aachoochoommon taan quyebe; ne qoshee yiiroochoo taan aachibe.

Shoddo 36:7

Yeero, ne shoodo oogeti aaxxe mooyone; asheenaꞌo ne qoshee yiiroon shoobo tuniiheete.

Shoddo 57:1

Taach ariqqebe; Yeero, taach ariqqebe; ta kashe ne shoobooch bi giyetoyich, yubee yongoommi aallo beshemmi wottoon, ne qoshee yiiroon shoobo tuniyemmo taane.

Shoddo 81:13

“Ta asho taachon bi waayeto gaata, Israꞌeeli ta gommona bi hammito gaata,

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 26:23

Gibitsee Uuriyin kichiꞌi taatoo Yoyaqiim waan yechii waaheete; Yoyaqiimiyoo Uuriyin goraadoona wuxiye; bi dubenoonoo asheenaꞌochi maashooch duppiye.

Erimiyaasi 35:14

Rekaabichi bushoo Yonadaabichi yareenaꞌo uyoon boonoshi uyaachemmoyich bi gettito ceenniye; boonoshi qaabbechoyich deꞌa boonoshi itoyich hanaach beddaahaa uyaaneenaꞌone; ta ittoshich wochii wochii gettehoye; tunebaani waayeyaano ittoshine.

Erimiyaasi 35:17

“ ‘Ebich Israꞌeelee Nuggishoo, Beshe Mawe Nuggishoo Doono Yeeri ta ishichiyoye: Yihudee showeexi asheenaꞌonaa Yerusaalemi katemooch beeti asheenaꞌo bullinochi toommooch ta getteti gonde mooyo bullin deebemmo taane; ebiyoo boonoshich ta getaa waayo boonoshi qajjitonaa ta ceegaa eekko boonoshi qajjitonoyichiye’ itone gete” iye.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Shoosho 1:16

“Ta eeppaabeeto, ta aafoo acimoon qaphillii bi beeto, taan goggiyemmo, taan kupphiyemmoo, aalletoyichiye. Ta etteenaꞌo sharitoyich, ta bushiisheenaꞌo gitteheete” iyan.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 11:7

Ta asheenaꞌo ta waanee bara wottoon qaawiyeete; gaachee danoyichoo damba cookiyeete; tunebaani boonoshin gaachemmo koniyoona aalloone.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Zakaariyaasi 1:4

Ittoshi qaabbechinaꞌon shaahiyaahote. Ebiyee aafi keemechinaꞌo boonoshich, ‘Beshe Mawe Doono Yeeri, ittoshi gonde gommonaa gonde shuunoonoochee wottebote, itone’ iꞌi gettiyeete; tunebaani boonoshi waayemmon qajjiꞌi ta getoonoo aaxxiyaache iyeete.

Maatiyoosi 22:3

Gaarooch ceekkeetinaꞌon boonoshi kicemmoyich bi wochee bushiisheenaꞌon boonoshi waan daachiihe; tunetaa ceekketi asheenaꞌo womon shunaaneenaꞌone.

Maatiyoosi 22:6

Echeenaꞌo wocheetinaꞌon yechiꞌi boonoshi kashoon yulliiheete; wuxiinoo iyeete.

Luqaasi 15:28

“Arooba qaabbe bushoo kaareꞌi ‘Kexooch giyaache’ iꞌi qajjiye. Ebich bi nihoo maaxooch kechiꞌi, ‘Hach kexooch gibe’ iꞌi qollehe.

Luqaasi 19:44

Hini katemeexi asho ittoshinoo, ittoshi bushiishoonoo showoo maanjjemminaꞌone; xaqqo xaqqee toommooch keddeeree bi echemmoyich tuniyachemminaꞌone. Ebiyoo, Yeeri ittoshin wodiiya bi waati aaboon shalligoo ittoshi qajjitoyichiye” iye.

Luqaasi 23:28

Yesuusi gubb wottee ciinniꞌi boonoshich ishichiye: “Hini Yerusaalemi genneenaꞌote, ittoshi qelloyich, ittoshi bushiishoyichoo eefotalli, taach eeppaahote.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Mishiraachechinaꞌo 7:59

Arooba Isxifanoosi xaqqoona yexxeebee, “Ta Doono Yesuuso, ta kasheen deꞌe” iꞌi qollehe.

Mishiraachechinaꞌo 8:1

Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 5:29

Boonoshinaa boonoshi shiijjereenaꞌonoyich bulli yemeenoon mooyo bulli kaamemmoyich, taan boonoshi shattemmonaa bulli aaboon ta getoon boonoshi quyemmonoyich, ebiyoommi gaboo bulli aaboon abo boonoshichoo beeba!

Yaaꞌoo 11:8

Boonoshi dubenoo boonoshi Doono yooddeti ooge katemee daggeexi gommooch qeyemmone; ebi are katemee geto, ayaanee yibbaatoochaa, Sodoomi woyee Gibitsi getteetine.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.