Luqaasi 13:14 - Kafa Linguistics Project

¹⁴ Tunebaani Ayihudeenaꞌo kiceebeeti kechi ukkiroo, Yesuusi shambetooba ureen bi wodiitoyich ippeꞌi tiyii arooch beeti dofee asheenaꞌon “Muusichi Sheeroo ikke shabaattee daggooch shiritte qemon no shuunemmoyich daaggitone; ebi are shiritte areddee daggooch waaree ittoshi biiyoochee wodibotalli, shambetooba tuneyaachemmone” iye.

Luqaasi 13:14 ပူးပေါင်းရင်းမြစ်များ

Keyo 20:9

Shiritte qemi daggooch ne shuunemmi shuunoo bullin shuunebe.

Keyo 23:12

“Shiritte qemon ne shuunoon shuunebe. Tunebaani shabaattinnee qemooba amee shuunoonolla shuuneyaahine; ebina ne gattoo, ne kuro, ne guunonaa neech shuuneebeeti shiqqoona kashe heechemminaꞌone.

Hiziqeeli 20:12

Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.

Hiziqeeli 34:21

Hakka guute bageenaꞌon ittoshi naaboona wottoo ittoshi gogoona ittoshi xuqqii beetoyich, hakka guuteenaꞌon ittoshi qareenaꞌona ittoshi kochii beetoyich, boonoshinoo ittoshi shaccii beetoyich,

Leweenaꞌo 23:3

“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.

Maatiyoosi 12:2

Kuxxii boonoshi maa beetaa, Fariseenaꞌo beeggiꞌi Yesuusin “Ebiyoche, shambetee aabooba Muusichi Sheeroo bajjiton ne dabbeenaꞌo tunii beetinaꞌone” iyeete.

Maariqoosi 5:22

Kiceeꞌi boonoshi beetaa, Ayihudeenaꞌo kiceebeeti kechi ukkireenaꞌo daggoochee ikkoo, Yaaroosi getteebeeto waahe. Waa Yesuusin ciinnii bi baatooch dihiꞌi,

Luqaasi 6:11

Ebi mooyo Muusichi Sheeree dojjechinaꞌonaa Fariseenaꞌonon ippii shiniihe; boonoshinaa boonoshina “Hini uro toommooch amoon hallibona?” iꞌi echeeheete.

Luqaasi 6:7

Muusichi Sheeree dojjechinaꞌonaa Fariseenaꞌona “Eke shambetooba bi wodiigaata beegone” iꞌi Yesuusin taggoyich quyee beeheete.

Luqaasi 8:41

Arooba Yaaroosi getteebeeti uro waahe. Biyoo Ayihudeenaꞌo kiceebeeti kechi ukkiroone; Yesuusichi baatooch dihiꞌi, “Ta kexooch wobe” iꞌi qollehe.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 18:17

Ebiyee gubb, asheenaꞌo bulli Ayihudeenaꞌo kiceebeeti kechi ukkiroo Sostenoosi gettee beeton nallee gabberee aafoochaa yechii yexxiyeete. Ebi mooyinaꞌon iraashoo Gaaliyoosi cir mooyooch haddaanoone.

Mishiraachechinaꞌo 18:8

Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.

Roomi 10:2

Shalligiꞌi qanaateyaacheetani, Yeerich boonoshi qanaatoon ta boonoshich miixoo taane.

Yibbaatoo 5:13

Shiritte qemi daggooch ne shuunemmi shuunoo bullin shuunebe.