Luqaasi 12:58 - Kafa Linguistics Project

⁵⁸ Ne taggechona tookkiree ukkiroo waan hamibee, gommoochaa ‘Neennaa taanna shunebone’ getiree qollebe. Ebin ne qayigaata, ukkiroo waan neen geechiyemmone; ukkiroo bi ginee naayoyich beshiiree neen immemmone; bi ginee naayo cuyee kexooch neen duppemmone.

Luqaasi 12:58 ပူးပေါင်းရင်းမြစ်များ

Iyoobi 22:21

“Ebich Iyoobo, Yeerina tookki shunebe; biinna tookkishoo yeshebe; ebin ne tuniigaata, mooyo neech kaamemmone.

Iyoobi 23:7

Xalloo ta tunetoyich, ebi aroochaa biinna tookki taggesho taane; nallecho tuneti Yeeri, ‘Xalloo neene’ getiree, bulli yemeenooch taan gawukkeshone.

Shoddo 32:6

Ebich gibeneeti asho bulli bi xuuxee aabooba ne waan corootibe; ooge aalliyee aaco waahooba bi waan shagaachemmone.

Shoddo 50:22

“Ebich Yeerin batteebeeti ittoshi bulli ebin shalligibote; ebi tuno qayigaata, ittoshin aalliyemmo taane; ittoshin wodiyemmo aalloone.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Maatiyoosi 18:30

“Tunebaani aroo ariqqeyaanoone; bi hiishoon bi qoccimmi wottoon cuyee kexooch cuchiihe.

2 Qorontoosi 6:2

Yeeri ishichiye: “Ta wojjoon neech ta bekkiyemmi saato shagaa, neechon waayehoye; neen ta wodiyemmi aabo shagaa, neen gaachehoye” iye. Ebiyoche, Yeerichi wojjoon ne danemmi saato hanaachiye; ne wodemmi aaboo andiye.

1 Pheexiroosi 3:19

Are beeyechon bi tuneti ayaanoona hammiꞌi, cuyee kexooch cucheꞌi beeti kasheenaꞌoyich Yeerichi qaaroon gettiye.

2 Pheexiroosi 1:15

And ta qiiccaabeeto, ta qititoyee gubb, bulli aaboon ebi mooyinaꞌon ittoshi shalligemmoyichiye.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.

Yaaꞌoo 20:7

Hume nato ciiremmona, Sheexaanoo bi cuchetoochee biicheyemmone.