Luqaasi 12:42 - Kafa Linguistics Project

⁴² Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Luqaasi 12:42 ပူးပေါင်းရင်းမြစ်များ

Keyo 36:4

Ebich yaafee duukkaanee shuunoon shuuneebeeti, ariyechi shuunechinaꞌo bulli boonoshi shuunoon qajjiichii waaꞌi,

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Shaahiyoo 15:23

Tatoona wocheeti wochoo ashoon emirikkiye; qaaweeti goorooch getteeti qaaro am shaahe gaawetone!

Shaahiyoo 27:18

Balaasee mixin shiimemmo, bi aafoon maayemmone; bi doonon quyemmo oogemmone.

Shaahiyoo 31:15

Batt haraan beetaa tiyahan; bi kechi asheenaꞌoyich maayoon, bi gonneenaꞌoyichoo shuunoon, immahan.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Erimiyaasi 23:4

Boonoshin shiimeree qiddemmi qiddeenaꞌon boonoshich ukkiriyemmo taane; wochinnoon shataachemminaꞌone; keqqaachemminaꞌone; boonoshiichee ikkolla aalleyaachemmone” iye Doono Yeeri.

Hiziqeeli 34:3

Awuyon maahote; huushoochee shuuneeti tahoon tahehote; awujjitonoo guuriyote; tunebaani bageenaꞌon shiimeyaachote.

Maatiyoosi 13:52

Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Maatiyoosi 20:8

“Showoo xumetaa woyinee doono bi ukkiriiton ‘Shuunechinaꞌon ceegiree ciirooch waatinaꞌoochee tiijjiree shiichii waatinaꞌooch beddaahaa boonoshi shumaayoon imbe’ iye.

Luqaasi 12:43

Bi doono waahaa, bi shuunee toommooch beebee danemmi are wochee bushoo diireetone.

Luqaasi 7:13

Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Luqaasi 7:19

“ ‘Woyemmone’ getteeti Kiristoosi neenee, baroon quyebona? getiree echebote” iꞌi Doono Yesuus waan daachiihe.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

1 Ximootiyoosi 5:17

Kittinnee guuphi asheenaꞌon gaawichiꞌi yaabii qeejjiibeeti geeneenaꞌon gutte kishoon oogiyoo bede mooyone; beshoonoo Yeerichi qaaroon getonaa dojjoona yullee beetinaꞌon oogiyoo qaawiihe.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Hibireena'o 13:7

Yeerichi qaaroon ittoshich gettiti, ittoshi yaabii qeejjechinaꞌon gabibote. Boonoshi beemi qocoon ciiniree, Yeeri toommooch boonoshi mullee tooꞌiyoommon, ebiyoommon ittoshiyoo boonoshin shaahibote.

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

1 Pheexiroosi 4:10

Asho bi ikkikkoona Yeeri biich immiti baribare wojjoona tatoona shuuneree, are Yeer waanee bi deqqiti wojjoon bareenaꞌoyich gaaccemmon tuniibe.