Luqaasi 12:17 - Kafa Linguistics Project

¹⁷ Bi shagaa, biyoo ‘Hini ta maayoon ta geddemmi gotoo bedaache; ebich aabichibote?’ iꞌi woddoo gaabbiibee,

Luqaasi 12:17 ပူးပေါင်းရင်းမြစ်များ

Dojjecho 11:2

Showee toommooch gonde mooyo amo tunemmo gaata, ariyaano ne tunetoyich, ne gijjoon shabaatte beera woyee shimitte beera qoodibe!

Isiyaasi 58:7

Ittoshi maayoon shaacetinaꞌona tookki ittoshi qoodeyemmoyich, kechaalli girechinaꞌon ittoshi kexooch ittoshi deebemmoyich, tubbeton ittoshi beegiyooba ittoshi tajjemmoyich, ittoshi meechi xibeenaꞌoyich ittoshi aasheyaachemmoyich toone?

Maatiyoosi 16:7

Aroochee boonoshinaa boonoshina “Koshon yeshaano no qajjetoyich shaahiye bi gettiibeeto” iꞌi yibbaateheete.

Maatiyoosi 5:42

Neen qollee beetoyich imbe; ne waanee eretteya qaawii beetoyich bajjaahine” iye.

Luqaasi 10:25

Ikke areddoon, Muusichi Sheeree dojjecho Yesuusin muriciiya qaawii kotoochee tiyiꞌi, “Dojjechocho, bulli yemeenee kashoon ta danemmoyich, amoon hallibote?” iꞌi echehe.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 12:16

Ishichiinoo shaahiyoon boonoshich gettiye: “Ikke gaannechi uro gochiti maayo gaawichiꞌi shaggiye.

Luqaasi 12:18

ciiroochaa ‘Eechehoye!’ iye. ‘Hini ta goteenaꞌon happiree bare beshe gamini goteenaꞌon gotiyemmo taane; aroochoo ta maayoonaa ta qiico bullinon kicemmo taane.

Luqaasi 12:22

Ebichi hillooch Yesuusi bi dabbeenaꞌoyich ishichiye, “Ebich ittoshich gettoye: ‘Amoon maayehone?’ getiree ittoshi kashoyich woyee ‘Amoon tahehone?’ getiree ittoshi ashittinoyich qaawiibeeti mooyoyich xuuxeyaahote.

Luqaasi 12:29

Ittoshi gaboon ittoshi maayemmonaa ittoshi uchemmonoyich tuniyaahote. Ittoshi mulloon xuuxiyaahote.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 16:3

“Gijje yesho mooyon gabiibee ‘Ta doono hini shuunoochee taan kichiyane bi ii beeto. Ebich illa aabichishiye ta gettemmo? Gochii mamoyich giidoo taach aalle; guuddiꞌi qollee mamo wotta taach yeelloone’ iꞌi yiijjiibee heechiꞌi tiyii

Luqaasi 16:9

Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

Luqaasi 18:22

Yesuusi ebin waayeꞌi, “Batt ikke mooyo neech shappitone: Hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 19:17

“Doono tiyiꞌi, ‘Gaawiye; hini deꞌe ta wochee bushoocho! Giishechoona ne gibeneetoyich, aashire katemeenaꞌo toommooch neen ukkiriito taane’ iye.

Luqaasi 3:11

Yowannisi wochiꞌi, “Gutte tahecho tubbetoyich ikkoon imbe. Maayecho maayaalloyich imbe” ii beehe.

Mishiraachechinaꞌo 16:30

Boonoshin maaxooch kichiꞌi, “Ta dooninaꞌote, ta wodemmoyich aabichibote?” iꞌi echehe.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Roomi 12:13

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

1 Yowannisi 3:16

Kiristoosi no keroyich bi kashoon beshiiꞌi immitone; ebina ashoon shuno amo gaata beeggeto noone. Ebich, no maneenaꞌochi keroyich no kashoon beshiiꞌi imo nooch qaawiihe.