Luqaasi 11:9 - Kafa Linguistics Project

^9-10 “Tawoo ittoshich gettoye: Yeerin qollebote; ittoshich immemmone. Yeer waanee qaawibote; danemmo ittoshine. Bi kelloonoo qofote; ittoshich qechemmone. Yeeri biin qolleebeeto bullich immemmone; qaawiibeeto bulliyoo Yeer waanee danemmone; bi kelloon qoppiibeeto bullichoo qechemmone.

Luqaasi 11:9 ပူးပေါင်းရင်းမြစ်များ

Shoddo 118:5

Ta duꞌehooba Doono Yeer waan cookiyo; Doono Yeeri ta cookoon waayeꞌi duꞌoochee taan kichiye.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 27:8

Newoo, “Taan qaawibote” iyine; Doono Yeero, ta mullo “Neen qaawemmo taane” iye.

Shoddo 34:10

More daahereenaꞌo boonoshi maayemmon mucceꞌi shaacoon hakkiyeete; tunebaani Doono Yeerin qaawii beetinaꞌo amoonolla mucceyaacheete.

Shoddo 34:4

Doono Yeer waan corootiyo; biyoo ta corootoon waayehe; ta shattaabeeti mooyo bulliichee taan wodiihe.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Solomooni 5:6

Ta shiiqqich qechiyo; tunebaani ta shiiqqi wotteꞌi hammitone. Bi yibbaateti yibbaatoyich ta mullo muujjiye; biin qaawaa daneyaane taane; ta ceegenoo eekkeyaanoone.

Isiyaasi 45:19

Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Erimiyaasi 29:12

Ittoshiyoo taan ceeggemmo ittoshine; waaree ta waan corootemmo ittoshine; tawoo ittoshin waayemmo taane.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Maatiyoosi 21:22

Yeeri toommooch ittoshi mulloon tooꞌiyoona biin ittoshi qollemmo bullin danemmo ittoshine” iye.

Maatiyoosi 21:31

“Gutteenaꞌoochee bi nihoochi wochoon waayeto aabine?” iye. Boonoshiyoo wochiꞌi, “Shiichii bi wochetone” iyeete. Boonoshich Yesuusi ishichiye: “Iberoon ittoshich gettoye: Gabiyee guudeenaꞌonaa yahechinaꞌona Yeerichi taatittineech ittoshiyee shiichiree giyemminaꞌone.

Maatiyoosi 6:29

Tunetaa ittoshich gettoye: Taatoo Solomooniyolla ebi wodde bi oogee daggooch ikke mocee bungeechoommon taheyaanoone.

Maariqoosi 11:24

Ebich corootoona amee mooyonona ittoshi qolleton Yeer waanee ittoshi daneto tunoon iberiibote; ittoshich tunemmone.

Maariqoosi 13:37

Ittoshich ta gettaa beetoommon bullich gettoye; kuppheree quyebote” iye.

Yowannisi 14:13

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Roomi 2:7

Gaawe mooyon shuunoona kuppheebee oogee yiiroonaa naadoonon, bulli yemeenee kashoonoo qaawii beetinaꞌoyich, bulli yemeenee kashoon immemmone.

2 Qorontoosi 6:2

Yeeri ishichiye: “Ta wojjoon neech ta bekkiyemmi saato shagaa, neechon waayehoye; neen ta wodiyemmi aabo shagaa, neen gaachehoye” iye. Ebiyoche, Yeerichi wojjoon ne danemmi saato hanaachiye; ne wodemmi aaboo andiye.

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 5:15

Ebiyoommi mullee tooꞌiyoona giddeti corooto biiyeton wodiyemmone; Doono Yeeriyoo bi biiyoochee biin wodiyemmone; axaaxoon shuuneto bi tunegaatoo, biin maaremmone.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.

Yaaꞌoo 2:24

Tunebaani ebi gonde doyoon dabbaani, ‘Sheexaanee maacee mooyo’ gettee beetonoo doyaani, Tiyaxiroon beeti ittoshi bullich ishichiyo: ‘Wottaa ta waammi wottoon ittoshich beeton manjiiree quyebote’ getoyee damba bare magge shaagoon ittoshi toommooch minjaache.