Luqaasi 11:53 - Kafa Linguistics Project

^53-54 Aroochee Yesuusi tiyiꞌi bi hammii beetaa, Muusichi Sheeree dojjechinaꞌonaa Fariseenaꞌona ippeꞌi echoona biin iritiiheete; bi noonoochee mooyon daneya ottiibee, diqqoona biin battiiree yibbaatiiya qiicceheete.

Luqaasi 11:53 ပူးပေါင်းရင်းမြစ်များ

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Luqaasi 11:52

“Hini Muusichi Sheeree dojjechinaꞌote, ariyee kelloon qechiibeeti qulfoon ashich aachito ittoshine; ittoshiyoo giyaano ittoshine; giya qaawii beetinaꞌoyichoo bajjito ittoshine. Ebich ittoshich woowo!” iye.

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Luqaasi 20:27

Ebichi hillooch “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete:

Mishiraachechinaꞌo 26:9

“Ta, ta qelloona ‘Asheenaꞌo Naazireetechi Yesuusichi shigoon boonoshi ceegaachemmoyich, taach bi hakkeemmi wottoon qiiccemmo taane’ iyaꞌa gabaa beehoye.

1 Qorontoosi 13:5

yeelliibeeti mooyon tuniyaache; bi qellich gabaache; ippeyaache; xuꞌoon haddaache.

2 Qorontoosi 8:6

Ebich ebi shuunoon shiichiꞌi wonnito Titoosi tunetoyich, andoo wotta ebi gaawe ittoshi shuunee wojjoon tuggooch bi bechemmoyich biin qolleto noone.