Luqaasi 11:41 - Kafa Linguistics Project

⁴¹ Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 11:41 ပူးပေါင်းရင်းမြစ်များ

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shoddo 41:1

Girechon gabiibeeto diireetone; bi xuuxee aabooba Doono Yeeri biin wodiyemmone.

Shaahiyoo 14:31

Girechon xuuxiibeeto biin Halliton hoxehe; tunebaani girechoyich ariqqeebeeto biin Halliton oogiihe.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Maatiyoosi 26:11

Girechinaꞌo bulli aaboon ittoshina tookkiiniye boonoshi beeto; tunetaa ta bulli aaboon ittoshina tookki beetaachemmo taane.

Maatiyoosi 5:42

Neen qollee beetoyich imbe; ne waanee eretteya qaawii beetoyich bajjaahine” iye.

Maariqoosi 7:19

Maayo ashi maacooch giyiꞌi maach keyoyee damba, ashi mullooch giyaache” iye. Ebina Yesuusi maayo bulli xalloo tunoon arichiihe.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Luqaasi 16:9

Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

Luqaasi 18:22

Yesuusi ebin waayeꞌi, “Batt ikke mooyo neech shappitone: Hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Mishiraachechinaꞌo 10:15

Wotta guttinnoon “Yeeri yaafiton ‘Yaafoo tuneyaanoone’ gettaaye” ii beeti qaaroon waayehe.

Mishiraachechinaꞌo 11:29

Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.

Mishiraachechinaꞌo 24:17

“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Titoosi 1:15

Xalleenaꞌoyich bulli mooyo xalloone; tunebaani eeꞌeenaꞌonaa Kiristoosi toommooch mulloon tooꞌiyaaneenaꞌoyich xalloo tuneti mooyo amolla aalloone; halla boonoshi gaboonaa boonoshi mulloona eeꞌetone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.