Luqaasi 11:39 - Kafa Linguistics Project

³⁹ Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Luqaasi 11:39 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

2 Kiinoo 25:2

Amasiyaasi Doono Yeeri aafooch kaame mooyon tuniihe; tunebaani bi ceeni mulloona toonoone.

Shoddo 22:13

Gigeebee yangixxiibeeti daaheroochoommon haawutteꞌi ta waan waaheete.

Shaahiyoo 26:23

Gonde mooyo bi mullooch beetaa, noonoon shaawiibeeti asho, birewoona nasheeti nuuqqee qiicoommone.

Shaahiyoo 26:25

Shabaatte eeꞌe mooyo bi mullooch bi beetoyich, noonee shaawona bi yibbaatetaanona biin gibeneyaahine.

Shaahiyoo 30:12

Boonoshi qelloon xalloo shaahii ciinnii beetinaꞌo, tunebaani boonoshi eeꞌoochee xalleyaaneenaꞌo beetinaꞌone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Hiziqeeli 22:25

Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Luqaasi 7:13

Doono Yesuusiyoo ureen ciinniꞌi ayiniye; biinoo eeppaahine iꞌi goggiihe.

Luqaasi 7:19

“ ‘Woyemmone’ getteeti Kiristoosi neenee, baroon quyebona? getiree echebote” iꞌi Doono Yesuus waan daachiihe.

Yowannisi 12:6

Ishin bi gettito, gaayo bi tunetoyichalli, girechinaꞌoyich ariqqeꞌi toonoone; gijje yeshe kolloon kalleꞌi kollee daggooch kicee beetoochee bi qellich bi deqqii beetoyichiye.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Mishiraachechinaꞌo 5:3

Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Galaati 1:14

Ta qaabbechinaꞌochi doyoyich bulliyee beshoon qanaataabee Ayihudeenaꞌo tuneti meeti ta goomeenaꞌoyee Ayihudeenaꞌochi maddee doyoon ceechoona beshaa beehoye.

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

Titoosi 1:15

Xalleenaꞌoyich bulli mooyo xalloone; tunebaani eeꞌeenaꞌonaa Kiristoosi toommooch mulloon tooꞌiyaaneenaꞌoyich xalloo tuneti mooyo amolla aalloone; halla boonoshi gaboonaa boonoshi mulloona eeꞌetone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.