Luqaasi 11:34 - Kafa Linguistics Project

³⁴ Ashittinee ceechoo geto aafoone. Illa ne aafo iiwoo bi tunegaata, ne ashittino bulli wotta biremmone; tunetaa ne aafo biiyecho bi tunegaata, ne ashittino wotta manderemmone.

Luqaasi 11:34 ပူးပေါင်းရင်းမြစ်များ

Halloo 19:11

Aroochee maaxona beeti asheenaꞌon, giishoochee oogooch beddaahaa, bullichi aafoon daayiiheete; ebich kechi kelloon daneya qaawiibee mucceꞌi maraateheete.

Shoddo 119:18

Ne sheeroochee worganikkiti mooyon ta beeggemmoyich, ta aafoon gaxxibe.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Shaahiyoo 28:22

Hiriggecho gaanneya afaafinehe; giroo biin yechemmo bi tunoon ariyaache.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 42:19

Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 44:18

Ebiyoommi asheenaꞌo shalligaalli mullaalleenaꞌone; boonoshi aafo kaappetone; ebich beegon hakkaacheete; boonoshi mulloo kaappetone; ebich gaboon hakkaacheete.

Isiyaasi 5:20

Gondoon gaaweto, gaaweton gondo ii beetinaꞌoyich, manderoon bekko, bekkoonoo manderoo tunii beetinaꞌoyich, caamoon nooco, noocoonoo caamo tunii beetinaꞌoyich woowo!

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Maariqoosi 7:22

shunee mamo, hiriggoo, gondo, dawushoo, yeelliibeeti kaayo, qanaato, oono, geecoo, shalligee shappoo, eboshine.

Maariqoosi 8:18

Aafecho ittoshi toone? Ciinaachote? Waajjecho ittoshi toone? Waayeyaachote? Ittoshi mullooch tipphimaache?

Luqaasi 11:35

Illa ne waan beeti ashittinee ceechoo bi tahaachemmoyich, ne qelloon quyebe!

Mishiraachechinaꞌo 13:11

Andoo Doono magge mooyon ne toommooch deebemmone; aaf doogo tunemmo neene; aabee bekkoon ikke wotteenolla beegaachemmo neene” iye. Bekkech areegaata bi aafo quboochoommon kaappii manderehe; aroochee bi kishoona yeshi yaabemmi ashoon shafee qaawiye.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 6:5

Guuninaꞌote, Kiristoosich ittoshi deꞌa ii beetoommon oogiyoonaa shatona mulloochee tiijjiree ittoshi dooninaꞌoyich deꞌa getote.

Qolaasiyaasi 3:22

Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.