Luqaasi 11:2 - Kafa Linguistics Project

² Ebich Yesuusi boonoshich ishichiye: “Ittoshi ishichi corootibote: ‘[Shimaayooch beeti] no Nihoocho! Yaafe ne shigo oogebe! Ne taatittino bulli toommooch bede!

Luqaasi 11:2 ပူးပေါင်းရင်းမြစ်များ

1 Taateenaꞌo 8:43

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

2 Taateenaꞌo 19:19

Andoo no Nuggishoo Doono Yeero, showee taateenaꞌo bulli Doono Yeeri ne ikkeeto baach Nuggishoo ne tunoon boonoshi ariyemmoyich, bi kishoochee noon ne wodiyemmoyich, neen qollehoye” iye.

2 Kiinoo 20:6

ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.

Shoddo 103:20

Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Shoddo 108:5

Yeero, shimaayeenaꞌoyee damba oogebe! Ne oogo showee toommo bulliich bede.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 57:11

Yeero, shimaayeenaꞌoyee damba oogebe! Ne oogo showee toommo bulliich bede.

Dojjecho 5:2

Ne yibbaatoona afaafineyaahine! Yeeri aafooch amee mooyonona getoyich ne mulloona afaafineyaahine! Yeeri beeto shimaayooch ne beeto showooch bi tunetoyich, ne yibbaatoo giishecho tunebe.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Hiziqeeli 36:23

Aageteenaꞌo daggoochaa naakkeeti, boonoshi daggoochaa ittoshi naakkiiti, yaafe ooge ta shigee yaafittinoon bekkiyemmo taane; boonoshi aafoochaa ta yaafittinoon ittoshina ta bekkiihooba aageteenaꞌo Doono Yeeri ta tunoon ariyemminaꞌone; Nuggishoo Doono Yeeri ta, ebin getteto taane.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:18

Boonoshiyee gubb Beshoo Yeerichi yaafeenaꞌo ebi taatittinoon deqqemminaꞌone; ebi taatittinoon bulli yemeenoochee bulli yemeenooch beddaahaa yechemminaꞌone” iye.

Daaneeli 7:27

Taatittino, hakkoonaa shimaayoyee desh beeti taatittineenaꞌochi oogoona Beshoo Yeerichi asheenaꞌo tuneti yaafeenaꞌoyich ichemmone. Bi taatittino bulli yemeenoon beeyemmi taatittinoone; showee toommooch beeti iraasheenaꞌo biich deꞌa getiree hajjeyemminaꞌone” iye.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 22:23

Bi baatoo oogeti genjoo woyee qamini dungo tuneti wuron woyee bagoon woyee emmishoon mullee daaggoona giddeebeeti deejjoyich giddiyoon hakkiyote; tunebaani tiikkeshoyich bi tunegaata, Doono Yeeri ta ebin deꞌaachemmo taane.

Imbaaqoomi 2:14

Tunebaani aaco baharooch ceenoommon showoo Doono Yeerichi oogee yiiroon ariyoona ceennemmone.

Maatiyoosi 10:32

“Ashi aafoochaa taacho bi tunoon miixeebeeto bullich ta wotta shimaayooch beeti ta Nihoo aafoochaa taachone getiree miixemmo taane.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Luqaasi 11:1

Ikke areddoon Yesuusi ikke xaaꞌooch corootii beehe. Corootoon bi ciichitoyee gubb, bi dabbeenaꞌoochee ikkoo tiyiꞌi, “Doonocho, Yowannisi bi dabbeenaꞌon bi dojjitoommon ama getiree no corootemmo gaata noon dojjibe” iye.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 8:15

Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.

1 Qorontoosi 1:3

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

2 Qorontoosi 1:2

No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Galaati 1:4

Gondo meettiti hini yemeenooch beeti asheenaꞌon shaahiree no beetaachemmoyich, Kiristoosi noon wodiyoyich no Nuggishoonaa no Nihoona tuneti Yeerich deꞌa iꞌi no axaaxoyich deejjoon tunehe.

Efesooni 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Filipphisiyoosi 1:2

No Nihoo Yeerinaa Doono Yesuus Kiristoosina waanee wojjoonaa diggoona ittoshich tunebe.

Filipphisiyoosi 4:20

No Nuggishoo tuneti Nihoo Yeerich bulli yemeenoon oogee yiiroo tunebe. Ameena.

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

1 Tasaloonqi 1:1

Phawuloosi, Sillaasinaa Ximootiyoosina waanee, Nihoo Yeerichonaa Doono Yesuus Kiristoosichona tuneti, Tasaloonqi kittinnee guuphoyich: Yeerichi wojjoonaa diggoona ittoshich tunebe.

1 Tasaloonqi 1:3

Kiristoosi toommooch beeti ittoshi mullee tooꞌiyoon shuunee toommooch ittoshi heechiyoon, shunoochee tiyitona aajjii ittoshi shuunoon, no Doono Yesuus Kiristoosi gibenikkiti gibenoon haaꞌiyoona ittoshi quyonoo no Nuggishoonaa no Nihoona tuneti Yeeri aafooch shalligaabeeto noone.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 19:6

Wochinnoon dofee asheenaꞌochi qaaroommi qaaro, ogooge aacinaꞌochi qaaroommi qaaro, giidechi xeeyee qaaroommi qaaroo ishichiꞌi bi getaa waayeho. “Haleluya! Beshe Hakkechi no Nuggishoo Doono Yeeri taatetone.

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.