Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luqaasi 10:2 - Kafa Linguistics Project

2 Hamma boonoshi tiyimmona, boonoshich ishichiye: “Qecceyemmi maayo woddoone; tunebaani qeccii kicechinaꞌo giishecheenaꞌone. Illa maayi Doono maayo beeti budooch qeciree kicemminaꞌon bi daachiyemmoyich corootibote.

အခန်းကိုကြည့်ပါ။ ကော်ပီ




Luqaasi 10:2
48 ပူးပေါင်းရင်းမြစ်များ  

Aroochee Eliyaasi asheenaꞌoyich, “Doono Yeerichi keemechinaꞌo daggoochee ta baach echeto taane. Tunebaani Baꞌaalee keemechinaꞌo awudde ballaa aacheenaꞌone.


Doono getoon beshiihe; dofee asheenaꞌo bi getoon ishichiꞌi awaajjiyeete:


“ ‘Ta gaboo bullin ceechemmi qiddeenaꞌon ittoshich immemmo taane; boonoshiyoo ariyoona, shalligoonoo ittoshin qiddemminaꞌone.


Bi bagoon duppiti, yeexere qiddoyich woowo! Goraado bi mochoonaa bi qanne aafoonon koye. Bi mochoo wogibe; bi qanne aafoo tuchimmi dooge” iye.


Kemetinaꞌo ebi bageenaꞌon boonoshi guuritoyich sheereyaaneenaꞌone. Bageenaꞌon kemmitinaꞌoo, ‘Gaanneto noone; Doono Yeeri galleteebe’ gettemminaꞌone. Boonoshi qiddeenaꞌoo boonoshich ariqqeyaachemminaꞌone” iye.


Tawoo kindi aroochaa neenna tookki yibbaatemmo taane; ne waan beeti Ayaanoochee qoodiree boonoshi toommooch kotiyemmo taane. Asheenaꞌochi shaagoon shaagona neen gaachemminaꞌone; ebiyee bekk, ne ikkeeto baach shaagaachemmo neene.


Tunebaani Muusi biich, “Ta naboyich qaaqqaꞌaane? Doono Yeer asheenaꞌo bulli keemechinaꞌo boonoshi tunemmo gaata, Doono Yeeriyoo bi Ayaanoon boonoshi toommooch bi kindiimmo gaatoona, taach emiroone” iye.


Wotta Yesuusi ishichiye: “Shimaajji taatittine ebiyoommine: Ikke woyinee doono bi woyinee goyee daggooch gijjoo qocee shuunemmi shuunechinaꞌon qaawooch maaddiꞌi kechiye.


Ebiyoo bi kexoochee kechiꞌi wohi gommon hammiibeeti uroommone. Aroo bi wochee bushiisheenaꞌoyich boonoshi qelli qelloona shuunoon qoodii immiichii wotta kellechon ‘Gaawichiree kelloon quyebe’ ii gettiichii hammiye.


Daakkiꞌi ishichiye: “Showee toommo bulliich hambote; ta mishiraachoon halleeto bullich getote.


Boonoshiyoo kechii bulli xaaꞌooch hammiꞌi Yesuusichi wochoon gettiyeete. Hammii boonoshi beetaa, Doono boonoshin gaachee beehe; bi immiibeeti malletoona boonoshi gettiibeeti qaaroon manjii beehe.]


Yesuusi aaraa gutte bi dabbeenaꞌon ikkooch ceeggiꞌi yinneenaꞌo bullin asheenaꞌo toommoochee boonoshi yookkemmoyich, biiyechinaꞌonoo boonoshi wodiyemmoyich hakkoonaa ukkirittinoonon boonoshich immiye.


Isxifanoosi qitiyooba, tiyiti duꞌoona shaceti Yesuusichi asheenaꞌo Finqa, Qoophiroosinaa Antsookinooch beddaahaa hammiyeete; boonoshiyoo Yeerichi qaaroon Ayihudeenaꞌo ikkeetinaꞌoyichani bare asho konichona getaaneenaꞌone.


Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.


Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.


Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.


“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.


Hini shaceti asheenaꞌo boonoshi hammito bulliich Yeerichi qaaroon gettiyeete.


Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.


Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.


Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.


Bareenaꞌo bulli boonoshi qelli qellichon gabiyeetalli, Yesuus Kiristoosichon aaxxiyaacheete.


Taach manoo, taanna tookkii Kiristoosichi shuunoon shuunoona ginee naayoommo tuneti, ittoshi waanee wocheeꞌi waa taan gaacheebeeti Ephafroditoosin ittoshi waan daachiyoo taach qaaweebeeto bi tunoon gabito taane.


Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.


Ittoshi waanee tuneto, Kiristoos Yesuusichi guuno Epphaafiri ittoshin diggiitone. Biyoo ittoshi manjemmonaa shuuraanoon ittoshi neexemmonoyich, Yeerichi daaggoonoo ceechoona ittoshi kupphemmoyichoo, bulli aaboon ittoshich corootoona qiiccee beetone.


No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.


No maneenaꞌote! Ittoshi daggooch beechii aajjii shuunee beetinaꞌon, Doono Yesuusichi gommona ittoshin yaabii beetinaꞌon, ittoshin kaaree ciiccii beetinaꞌonoo ittoshi ariyemmoyich, boonoshi shuuneebeeti shuunoo bullich shunoona beshaa beshiiree boonoshin ittoshi oogiyemmoyich ittoshin qollaabeeto noone. Ittoshinaa ittoshinoo diggoona beebote.


Illa no maneenaꞌote! Ittoshi waan bi tunetoommon, Doonochi qaaro kaateree bi gaminnemmonaa bi oogemmonoyich nooch corootibote.


Ebicha getona aajjaa maraataa beeto noone. Ebiyoo asho bullin, beshoonoo Kiristoosichi mishiraachee qaaroon iberii beetinaꞌo bullin, wodiibeeti beeyechi Nuggishoon no gibenaa beetoyichiye.


Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.


Kiristoos Yesuusichi qaaroon ta getti naboona cucheti ta Phawuloosinaa no manoo Ximootiyoosina waanee, No shunnaa beetonaa noonna tookkii Kiristoosich maddeebeeti Filimoonich,


Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.


“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ