Luqaasi 10:16 - Kafa Linguistics Project

¹⁶ Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 10:16 ပူးပေါင်းရင်းမြစ်များ

Keyo 16:7

Biyoo bi toommooch ittoshi guruuxiti guruuxoon waayetone; ebich yaach maaddoona bi oogee yiiroon beeggemmo ittoshine. Halla no toommooch ittoshi guruuxito, koni no tunetenane?” iyeete.

Keyo 16:8

Muusiyoo daakkiꞌi, “Bi toommooch ittoshi guruuxoon bi waayetoyich, xum ittoshi maayemmi meenon, maaddoona ittoshi qettee wottoon ittoshi maayemmi koshon ittoshich immemmo Doono Yeeriyani no amo noone? No toommooch ittoshi guruuxito, Doono Yeeri toommooch guruuxoone” iye.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Haddoo 14:2

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Haddoo 16:11

Neennaa ne guuphinaꞌo bullina ikkooch kiceeꞌi ittoshi tiyito, Doono Yeeri toommoochiye. Halla ittoshi guruuxemmoyich, Harooni konine?” iye.

Maatiyoosi 10:40

“Ittoshin shunniibeeto taan shunnii beetone; taanoo shunniibeeto taan deejjiti Yeerin shunnii beetone.

Maatiyoosi 18:5

Ebiyoommi gishiishi bushiisheenaꞌoochee ikkoon taacha iꞌi shunniibeeto koniyoona taan shunnii beetone” iye.

Maariqoosi 9:37

“Koniyoona taacha iꞌi, ebiyoommi gishiishi bushiisheenaꞌo daggoochee ikkoon bi shunigaata, taan shunnii beetone. Wotta koniyoona taan bi shunigaata, taan deejjiti Yeerinoonalli, ta ikkeeton toonoone bi shunniibeeto” iye.

Luqaasi 9:48

boonoshich ishichiye: “Koniyoona taacha iꞌi ebiyoommi giisheche bushoon bi shunigaata taan shunnii beetone; wotta koniyoona taan bi shunigaata, taan deejjiti Yeerin shunnii beetone; ittoshi bulli daggoochee giishecho bulliyee besho tunemmone” iye.

Yowannisi 12:44

Ebichi hillooch Yesuusi bi qaaroon oogichiꞌi ishichiye: “Bi mulloon ta toommooch tooꞌiibeeto, taan wocheto toommooch tooꞌiitalli, ta ikkeeto toommooch toonoone.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Yowannisi 13:20

Iberoon ittoshich gettoye: Ta wocheto koninolla shunniibeeto taan shunnii beetone; taanoo shunniibeeto taan wocheton shunnii beetone” iye.

Mishiraachechinaꞌo 5:4

Kemaani ne beehooba, showoo ne hajjoo toone? Ne kemmetoyee gubb, gijjoo ne bullo toone? Ebiyoommi mooyon amoyich ne mulloona gabinne? Yeerichalli, ashich kootaano neene” iye.

Galaati 4:14

Ta biiyo ittoshin oogeton iritiito bi tunetaanoona, taan hoxee tiyaareyaano ittoshine; tunebaani Yeerichi maraakoon iibbiyoommon, ebiyeenolla Kiristoos Yesuusin iibbiyoommoniye ittoshi iibbiito.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.