Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luqaasi 10:11 - Kafa Linguistics Project

11 ‘Ittoshi toommooch miixoo bi tunemmoyich, no baatooch beeti ittoshi katemeexi quttoonolla tebbemmo noone; tunebaani ebin ariibote: Yeerichi taatittine ittoshi kellooch shaggetine’ getote.

အခန်းကိုကြည့်ပါ။ ကော်ပီ




Luqaasi 10:11
16 ပူးပေါင်းရင်းမြစ်များ  

Hukkechinaꞌo boonoshi tunetoyich boonoshi waayetaa woyee waayo qajjitaa keemecho boonoshi daggooch bi beemon ariyemminaꞌone.


Ittoshin iibbiyaano woyee ittoshi qaaroon waayeyaano koniyoona bi beegaata, are kexon woyee are katemoon gawukkiree keyibee ittoshi baateexi quttoon tebbebote.


Hamibee, ‘Shimaajji taatittine ittoshi kellooch shaggetine’ getote.


Ittoshin iibbiyoo qajjiꞌi, ‘Ittoshi gettii beeton waayeyaache’ ii beeti xaaꞌeexi asheenaꞌoyich, boonoshi toommooch miixoo bi tunemmoyich gommooch keyiree ittoshi baateexi quttoon tebbeechi aroochee keyote” iye.


Tunebaani ittoshi giyimmi katemoo bulliich beeti asheenaꞌo ittoshin iibbiyoo boonoshi qayigaata, gommooch keyiree,


are katemooch beeti biiyechinaꞌon wodiibote; arooch beeti asheenaꞌoyichoo ‘Yeerichi taatittine ittoshi kellooch shaggetine’ getote.


Aabiichona beeti asheenaꞌo ittoshin iibbiyaano boonoshi qayigaata, boonoshi toommooch miixoo bi tunemmoyich ittoshi baateexi quttoon tebbeechi are gafoon gawukkiree keyote” iye.


“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.


Ebich keemechinaꞌona ishichaa getteeto ittoshi toommooch bi shagaachemmoyich ittoshi qelloon quyebote:


Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.


Ebina Phawuloosinaa Barnabaasina boonoshi baateexi quttoon tebbeechii tiyiꞌi, Iqooniyooni katemooch hammiyeete.


Tunebaani Israꞌeeleenaꞌochon, “Yeeri ‘Maaddoochee xum beddaahaa taach deꞌa getaani hukkechi asheenaꞌoyich ta kishoon yaggiyoye’ itone” iye.


Tunebaani Yaafe Macaafo ama ite? “Yeerichi qaaro neyee wokkito toonoone; halla ne noonoonaa ne mulloonoochiye” itone. Ebiyoo no gettaabeeti, Yeeri toommooch mullee tooꞌiyee qaaroone.


Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ