Luqaasi 1:9 - Kafa Linguistics Project

⁹ qeesheenaꞌochi doyoommon Doonochi yaafee kexooch giyiꞌi ixaanee shookki ixoo biin yechiye.

Luqaasi 1:9 ပူးပေါင်းရင်းမြစ်များ

1 Kiinoo 23:13

Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

1 Kiinoo 6:49

Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Maatiyoosi 27:5

Arooba Yihudi birewoon yaafee kexooch duppiichii kechii hammii bi kishoona taaqqee qitiye.

Hibireena'o 9:6

Ebi bulliyoo ebiyoommon qanniꞌi bi beetaa, qeesheenaꞌo boonoshi maddee doyoon ceechiibee, bulli aaboon duukkaanee daggeexi kelli badd giyii beetinaꞌone.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.