Luqaasi 1:8 - Kafa Linguistics Project

⁸ Ikke areddoon Zakaariyaasi beeti guuphoyich Yeerich maddee kaallo shagaa, Zakaariyaasi Yeerich maddee bi beetaa,

Luqaasi 1:8 ပူးပေါင်းရင်းမြစ်များ

1 Kiinoo 24:19

Israꞌeelee Nuggishoo Doono Yeeri gettitoommon, boonoshi qaabbechi Harooni boonoshich qociiti qociyoommon, Doono Yeerichi yaafee kexooch giyi boonoshi maddemmi maddee qociyoo ebine.

1 Kiinoo 24:2

Tunebaani Nadaabinaa Abiihina bushoon shiyaanoon beebee boonoshi nihoyee shiichiꞌi qitiyeete. Ebich Elazaarinaa Itamaarina qeeshoon tuneheete.

2 Kiinoo 11:14

Leweenaꞌo boonoshi showoonaa boonoshi yaaphoonon duppiichii Yihudee showoonaa Yerusaaleminooch boonoshi waato, Doono Yeerichi qeesheenaꞌo tuneree boonoshi maddaachemmoyich Yeroboꞌaminaa bi shiijjereenaꞌona bajjitoyichiye.

2 Kiinoo 31:19

Haroonichi yareenaꞌoyich icheti katemeenaꞌochi guudoona beeti goyee xaaꞌeenaꞌooch woyee bare katemeenaꞌooch beeti qeesheenaꞌo daggoochee qeesheenaꞌochi kechi asheenaꞌonaa boonoshi daggooch beeti Lewi yoodee mazgabooch kobereeti anaaminaꞌo bullinoyich boonoshi qoodemmoyich, ukkireti asheenaꞌo beetinaꞌone.

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

2 Kiinoo 8:14

Bi nihoo Daawiti dojjiti doyoommon qeesheenaꞌon boonoshi maddi maddooch, Leweenaꞌon wotta shoddoona boonoshi galletemmonaa qeesheenaꞌon boonoshi gaachemmonon tuniihe. Yeer asho Daawiti gettitoommon, kellechinaꞌon boonoshi kaalli kaalloona kelleenaꞌo bullin boonoshi quyemmoyich tuniihe.

Iziri 6:18

Muusichi macaafooch bi kooreetoommon, Yerusaalem beeti Yeerichi kechi maddoyich, qeesheenaꞌon boonoshi maddee guuphi guuphooch, Leweenaꞌon boonoshi shuunee guuphi guuphooch neechiyeete.

Keyo 28:1

“Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.

Keyo 28:41

Ebi taheenaꞌon ne manoo Harooninaa bi anaami bushiisheenaꞌonoyich ne tajjitoyee gubb, zayitoon boonoshi shimbooch huutiree, qeesheenaꞌon tuniibe. Qeesheenaꞌo tuneree taach boonoshi maddemmoyich, yaafibe.

Keyo 29:1

“Harooninaa bi anaami bushiisheenaꞌona qeesheenaꞌo tuneree taach boonoshi maddemmoyich, bariiꞌi yaafoyich ne tuniyemmo ebine: Bachaallo tuneti ikke wuronaa gutte bagee baaddoonon deebe.

Keyo 29:44

“Ebina danee duukkaanoonaa deejjee gudoonon yaafemmo taane; wotta qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon yaafemmo taane.

Keyo 29:9

Buroon boonoshi maacooch cuye. Aroochee qelli caacoon boonoshi qellooch caace. Ebiyoommi gommona Harooninaa bi anaami bushiisheenaꞌonon qeesheenaꞌo boonoshi tunemmoyich yaafemmo neene. Ebina boonoshinaa gubbi boonoshi shiijjereenaꞌona qeeshoon tuneree, bulli yemeenoon taach maddemminaꞌone.

Keyo 30:30

“Qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon zayitoona huute. Yaafishoo gete.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Luqaasi 1:5

Yihudee taatoo Heroodisi taatee beehooba, Yeerich maddeebeeti Abiyi guuphi daggooch Zakaariyaasi getteebeeti ikke qeeshoo beehe; bi mechee Haroonichi yareene; bi shigoo Elsabeexi getteehe.

Luqaasi 1:7

Elsabeexi shiyaani xaafee bi tunetoyich, bushaalleenaꞌone; ebiyeenoo geenetinaꞌone.