Luqaasi 1:35 - Kafa Linguistics Project

³⁵ Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 1:35 ပူးပေါင်းရင်းမြစ်များ

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Iyoobi 15:16

ishigaata, axaaxoon aaco uyoommon uchiibeeti, tiyaariiti, eeꞌeti asho, aabichiree gibeneeyehe!

Iyoobi 25:4

Yeeri aafoochaa asho cadiqo bi tunemmo aabichireeshiye? Maachee waanee shiijjeti asho xalloo bi tunemmo aabichireeshiye?

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Maatiyoosi 1:18

Yesuus Kiristoosi shiijjo ebine: Bi indee Maariyami Yooseefich maakkeechaa shaakkeyaan beebee, Yaafe Ayaanoona yeqqefehan; bi yeqqefoo arichehe.

Maatiyoosi 1:20

Yooseefi ebin gabii bi beetaa, Doonochi maraakoo gumona daneꞌi biich ishichiye: “Daawitichi bushoo Yooseefo, shaagga ne maakkiiti Maariyami yeqqefeto, Yaafe Ayaanoonane. Ebich shattaahine, shaage.

Maatiyoosi 14:33

Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maariqoosi 1:1

Yeerichi Bushoo Yesuus Kiristoosichon miixeebeeti mishiraachee qaaro hinine.

Maariqoosi 1:24

Biyoo “Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariibeeto taane; Yeerichi yaafoo neene” iꞌi cookiye.

Luqaasi 1:27

Daawiti yaroochee tuneti Yooseefi getteebeeti uro shaagga bi maakkiiti ikke gidiidee waan wochehe; gidiideechi shigoo Maariyami getteehe.

Luqaasi 1:34

Maariyamiyoo are maraakoon, “Anaamona danaa ariyaache; ebi aabichiree tunehe?” iyaꞌa echahan.

Luqaasi 1:36

Ebiyoommon ne xibee Elsabeexiyolla wotta geenoochaa anaami bushoon yeqqefetine; xaafee getteeti and bi yeqqefeto shirittinnee agen bedditone.

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Mishiraachechinaꞌo 8:36

Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.